ჯანდაცვის მინისტრის მოადგილის, თამარ გაბუნიას განცხადებით, სინოფარმის მეორე დოზაზე რეგისტრაცია ხვალ, 12 მასისის 20:00 საათიდან დაიწყება.

"მეორე დოზებით ვაქცინაცია უწევს უკვე მოსახლეობას 25 მაისის შემდეგ, ხვალ დღის ბოლოდან, 20:00 საათიდან დაავადებათა კონტროლის ეროვნული ცენტრი უკვე გახსნის რეგისტრაციის შესაძლებლობას სინოფარმის მეორე დოზებზე", — განაცხადა გაბუნიამ.

სინოფარმით ვაქცინაცია საქართველოში 4 მაისს დაიწყო. 7 მაისს, მსოფლიო ჯანდაცვის ორგანიზაციამ Sinopharm ვაქცინის საგანგებო გამოყენების ნებართვა გასცა.

Sinopharm პირველი არადასავლური ვაქცინაა, რომელმაც WHO-ს ნებერთვა მიიღო. მსოფლიო ჯანდაცვის ორგანიზაციას საგანგებო გამოყენების ნებართვა გაცემული აქვს Pfizer-BioNTech-ის, AstraZeneca-სა და Johnson & Johnson-ის ვაქცინებზე.