სილამაზის სალონებს ყოველდღიურად, ალბათ, სულ სხვადასხვა გემოვნების, მოსაზრებისა და პრეტენზიის მქონე უამრავი ადამიანი აკითხავს, რომელთაც ვინ იცის, რა აღარ უნდათ: ჟურნალის პრიალა გარეკნებზე ნანახი ვარცხნილობის მოხდენა თუ გაუბედურებული თმისთვის რამის მოხერხება.

თუმცა კანადის ერთ-ერთ სალონს მომხმარებელი ერთი შეხედვით უჩვეულო მიზნით ეწვია და ყველას გაოცება მოახერხა: მოხუცი კაცი, რომელსაც უნდა თმის დახვევის სწავლა სურდა.

როგორც აღმოჩნდა, მისი ასევე ასაკოვანი ცოლი მხედველობის გაუარესების გამო თავის ჩვეულ რუტინას ვეღარ ასრულებდა — რამდენჯერმე შემთხვევით კანი დაიწვა, ამიტომ კაცს სურდა, მისთვის მხარი დაეჭირა და თმის დახვევაში დახმარებოდა.

ფოტო: Hair Design By Britney / Facebook

"ეს ჩინებული ჯენტლმენი ჩვენთან მოვიდა, რათა თმის დახვევის ტექნიკა ესწავლა. მისი ცოლი თავად ამას ვეღარ ახერხებს და გადაწყვიტა, დახმარებოდა. დიდი სიამოვნება იყო მისთვის სწავლება: ვაჩვენეთ, როგორ იხვევა მოკლე თმა, როგორ უნდა აირიდო თავიდან დამწვრობა და ისიც კი ვასწავლეთ, თუ როგორ წაუსვას ცოლს თვალის ტუში", — ვკითხულობთ ფეისბუქზე სალონის მიერ გამოქვეყნებულ პოსტში, რომელმაც დროის მცირე მონაკვეთში უამრავი მკითხველის გული გაათბო.

ფოტო: Hair Design By Britney / Facebook

ალბათ, დაგვეთანხმებით, რომ მსგავსი ისტორიები ყველაზე კრიტიკულ სიტუაციებშიც კი გვახსენებს, თუ როგორი მშვენიერი, ძვირფასი, მნიშვნელოვანი და ჯადოსნურია ერთმანეთზე ზრუნვა და სიყვარული.