ევროკომისრის, ოლივერ ვარჰეის განცხადებით, საქართველომ პირველ რიგში უნდა გამოიყენოს ის შესაძლებლობები, რასაც მას ევროკავშირთან ღრმა და ყოვლისმომცველი თავისუფალი სავაჭრო სივრცის შესახებ შეთანხმება (DCFTA) აძლევს. აღნიშნული პასუხი მან TV იმედის ჟურნალისტის კითხვას გასცა, რაც საქართველოს მიერ წევრობის აპლიკაციის მომზადების საკითხს ეხებოდა.

"ჩვენ მზად ვართ, რომ აღმოსავლეთის პარტნიორობის წევრ ყველა ქვეყანასთან გავაფართოვოთ ურთიერთობები, ვისაც ამის სურვილი აქვს. მეორე მხრივ, მსურს ხაზი გავუსვა, რომ ევროკავშირთან ღრმა და ყოვლისმომცველი თავისუფალი სავაჭრო სივრცის შესახებ შეთანხმებაში (DCFTA) არსებობს კიდევ ბევრი შესაძლებლობა თანამშრომლობის გასაზრდელად. ჩვენი რჩევა იქნება, პირველ რიგში საქართველომ გამოიყენოს ყველა მექანიზმი და შესაძლებლობა, რაც არსებობს DCFTA-ში. რაც შეეხება გადაწყვეტილებას ევროკავშირის წევრობაზე აპლიკაციის მოსამზადებლად, ეს ყველა ქვეყნის დამოუკიდებელი არჩევანია და ასევე დამოუკიდებელი არჩევანი აქვთ ევროკავშირის წევრ ქვეყნებს, შეაფასონ ეს აპლიკაცია და მიიღონ გადაწყვეტილება. ამ მომენტისთვის, ჩვენი ძალისხმევა მობილიზებულია DCFTA-ს იმპლემენტაციის დაჩქარებაზე", — განაცხადა მან.

ქართული ოცნება 2020 წლიდან აცხადებს, რომ 2024 წელს ისინი ევროკავშირის წევრობაზე აპლიკაციის მომზადებას გეგმავენ.