საზოგადოებრივი მაუწყებელი თავის ვებგვერდზე გამოკითხვას ატარებს. მაუწყებელი გამოკითხვაში მონაწილე პირებს აზრის დაფიქსირებას სთხოვს - უნდა არსებობდეს თუ არა საზოგადოებრივი მაუწყებელი.

გამოკითხვაში მონაწილეობის მსურველს სამი სავარაუდო პასუხიდან - "დიახ", "არა", "არ ვიცი" - ერთ-ერთის ამორჩევა მოუწევს. სისტემა საშუალებას იძლევა მომხმარებელმა ხმა რამდენჯერმე მისცეს.

ამ დროის (16:35) მონაცემებით, იმ ადამიანებმა ვინც გამოკითხვაში მიიღეს მონაწილეობა, 84 პროცენტი მიიჩნევს, რომ მაუწყებელი უნდა არსებობდეს, 15 პროცენტი ფიქრობს, რომ არ უნდა არსებობდეს.

On.ge გამოკითხვის ჩატარების მიზეზის დასადგენად ცდილობს საზოგადოებრივი მაუწყებლის მენეჯმენტთან დაკავშირებას.