ჰაბლის მიერ გადაღებულ საოცრად დეტალურ ფოტოში ვარსკვლავის სიკვდილია ასახული.

ფოტოზე გამოსახულია ყელიანი გოგრის ნისლეული, რომელიც 1,4 სინათლის წელზეა გადაჭიმული და დედამიწიდან 5 000 სინათლის წლითაა დაშორებული. მისი უფრო ცნობილი სახელი ლაყე კვერცხის ნისლეულია, რადგან მასში გოგირდის დიდი რაოდენობა შედის - ნივთიერება, რომელიც გოგირდის წყაროებსა და ლაყე კვერცხებს ერთნაირ სუნს სძენს.

სისტემა სასტიკი გარდაქმნის შუაშია: წითელმა გიგანტმა ვარსკვლავმა დაიწყო აირისა და მტვრის ფენების სწრაფად მოშორება - ისინი საპირისპირო მიმართულებით გაიტყორცნა. ყვითელ ფერში გამოსახული აირი 1 მილიონი კმ/სთ სიჩქარით მოძრაობს. დიდი ვარსკვლავებისგან განსხვავებით, რომლებიც კატაკლიზმური აფეთქებით (ზეახლად ანთება) ასრულებენ თავიანთ სიცოცხლეს, მცირე მასის ვარსკვლავები შედარებით დინჯად ასრულებენ თავიანთ სიცოცხლეს. ყელიანი გოგრა ოდესღაც ვარსკვლავი იყო, ზუსტად ისეთი, როგორიც ჩვენი მზეა ამჟამად. დღევანდელი თეორიების მიხედვით, ჩვენს მზესაც იგივე ბედი უწერია.

ნასას მეცნიერების თქმით, მატერიის დიდი აჩქარება სავარაუდოდ 800 წლის წინ დაიწყო. მაგრამ ეს სწრაფი ტემპი, დროის კოსმოსური მასშტაბით დიდხანს არ გასტანს. ის მალე გადავა ნელა გაფართოებად ფაზაში.

"ასტრონომები უიშვიათესად აფიქსირებენ ამ ევოლუციის ფაზაზე მყოფ ვარსკვლავს, რადგან ასტრონომიული მასშტაბებით, ეს თვალის დახამხამებაში ხდება. დიდი ალბათობით, შემდეგი ათასი წლის მანძილზე ეს ნისლეული ზრდასრულ პლანეტურ ნისლეულად ჩამოყალიბდება“. - აცხადებენ ევროპის კოსმოსური სააგენტოს ოფიციალური წარმომადგენლები.

იხილეთ ფოტო დეტალურად (გაადიდეთ და დააზუმეთ):

ფოტო: NASA