ევროპული საქართველოს ერთ-ერთი ლიდერი, გიგა ბოკერია აცხადებს, რომ თუ სასამართლო ნიკა მელიას პატიმრობას შეუფარდებს, ხელისუფლებას მის დასაკავებლად ფიზიკური ძალის გამოყენება მოუწევს. ამის შესახებ ბოკერიამ ნაციონალური მოძრაობის ოფისში განაცხადა, სადაც სხვადასხვა ოპოზიციური პარტიის წარმომადგენლები შეიკრიბნენ.

"რა თქმა უნდა ჩვენ გვსურს, რომ ეს უტიფარი, თავხედური, დანაშაულებრივი შეცდომა ივანიშვილის რეჟიმმა არ დაუშვას, როცა გავრილოვის ღამის პოლიტიკური შემოქმედები და სამართლებრივი დამნაშავეები ამ უტუფარი საბაბით, საზოგადოების პროტესტის დაშინების მიზნით, მსხვილი ოპოზიციური პარტიის ლიდერს იჭერენ ან აიძულებენ, რომ რამე მოქმედება ჩაიდინოს. ვურჩევდი, მათივე პოლუტიკური ტყავის ინტერესით, თუ ამას გააცნობიერებენ, ეს დანაშაული არ ჩაიდინონ. თუ ეს მოხდა, ჩვენი პოზიცია ცნობილია. [...] ფიზიკური ძალის გამოყენება მოუწევთ ჩვენ წინააღმდეგ. აქ ბევრი ხალხი იქნება", — თქვა ბოკერიამ.

მან, ასევე, აღნიშნა, რომ იყო დრო, როცა სწორად მიაჩნდა კანონოს დამორჩილება, მაშინაც კი, როცა ადგილი ჰქონდა პოლიტიკურ დევნას, მაგრამ "დღეს ამ მატარებელმა ჩაიარა".

"როცა ხელისუფლება დგამს იმ ნაბიჯებს, რაც გადაიდგა, შანსი იმისა, რომ შენ სამაგილითოდ, კანონიერად მოიქცე, როცა კანონის უზენაესობის უტიფრად დარღვევა ხდება (და ეს მივიდა არჩევნების მოპარვამდე, 8 მარტოს შეთანხმების დარღვევამდე, გავრილოვის ღამის შემოქმედების მხრიდან ოპონენტების დაჭერამდე), ეს დრო წასულია და ამათ მოუწევთ ძალის გამოყენება. და ძალის გამოყენება არა მხოლოდ ნიკა მელიას ან პარტიული თანაგუნდელების წინააღმდეგ, არამედ მთელი პოლიტიკური სპექტრისა და იმ ხალხის წინააღმდეგ, ვინც ამას აპროტესტებს", — თქვა ბოკერიამ.