კარის ჭკვიანი საკეტი ინოვაციური პროდუქტია, რომელიც უსაფრთხოებასთან ერთად, ბევრ კომფორტს გვთავაზობს.

თუმცა, მსგავსი ტექნოლოგიები მაინც ახალია და მას ბევრი ჯერ არ ენდობა. ჭკვიანი საკეტი შეიძლება პროგრამულად მწყობრიდან გამოვიდეს, ან უარესი, ჰაკერული თავდასხმის მსხვერპლი გახდეს. ყველაფერი ეს შესაძლებელია, მაგრამ არა მაშინ, როდესაც საქმე August Wi-Fi Smart Lock-თან გვაქვს.

ეს ახალი ჭკვიანი საკეტი პროგრამულად ძალიან გამართულია და დაცულობის გარანტიასაც იძლევა. მისი გატეხვა ბევრად რთულია, ვიდრე სხვა საკეტების.

მისი დამონტაჟება უმარტივესია და ამისთვის 10 წუთიც საკმარისია. ის კარების კლასიკური საკეტის მექანიზმის შეცვლას არ ითხოვს, ამიტომ, საჭიროებისამებრ ფიზიკური გასაღების გამოყენება კვლავ შეგეძლებათ.

და რაც მთავარია, ყველაზე საინტერესო — საკეტი თქვენს მობილურს Bluetooth-ით და Wi-Fi-ით უკავშირდება. შესაბამისად, სპეციალური აპლიკაციის გამოყენებით, მობილურით კარების დისტანციურად გაღება და დაკეტვა შეგეძლებათ.

შეგიძლიათ ადამიანს ერთჯერადი კოდიც მისცეთ, რისი გამოყენებითაც ის სახლში თქვენი შეწუხების გარეშე მოხვდება. Bluetooth-ის გამოყენებით კარებს რამდენიმე მეტრიდან აკონტროლებთ, ხოლო Wi-Fi-ით ნებისმიერი წერტილიდან, სადაც ინტერნეტი მოგეწოდებათ.

მეტიც, Wi-Fi-ის გამოყენებით, თქვენ ნებისმიერი ადგილიდან, არა მარტო კარების გაღება და დაკეტვა შეგიძლიათ, არამედ, სურვილისამებრ საკეტს Alexa-ს, Siri-ს და Google Assistant-ს დაუკავშირებთ.

August-ის ინოვაციური ჭკვიანი კარები ღია ვერ დაგრჩებათ. ასეთ შემთხვევაში სპეციალური შეტყობინება მოგდით, რაც გაფრთხილებთ, რომ კარები ღიაა.

აღსანიშნავია, რომ August Wi-Fi Smart Lock სხვა ჭკვიან საკეტებთან შედარებით, ზომით ბევრად უფრო კომპაქტურია და ვიზუალურადაც გამოირჩევა.

და კიდევ ერთი, ჭკვიანი საკეტი ინახავს ინფორმაციას ყველაზე, ვინც სახლში შემოდის და გადის. შემქმნელები ხუმრობენ კიდევაც, რომ თქვენი თინეიჯერი შვილი, ვერასდროს მოგატყუებთ, თუ როდის მოდის და მიდის სახლიდან.

ერთი სიტყვით, დაივიწყეთ უხერხული გასაღებები, რომელიც არასდროს უნდა დავკარგოთ და ყოველთვის თან უნდა გვქონდეს. ეს ინოვაციური საკეტი საიმედოა და მისი გაღება შეგიძლიათ, როგორც დისტანციურად, ისე სპეციალური კოდით. ის ასევე მეგობრულია და ცდილობს ჩვენი სახლში დაბრუნების პროცესი სახალისო გახადოს. მას შეუძლია სპეციალურ მოწყობილობებსაც დაუკავშირდეს და სახლში თქვენი შესვლის მომენტში, საყვარელი მუსიკაც კი ჩაგირთოთ.

რუბრიკის სპონსორია ტექნიკის მაღაზიათა ქსელი გრანდ ელექტრონიქსი. გრანდ ელექტრონიქსი SHARP-ის, TOSHIBA-ს, Mitsubishi Electric-ის, Midea-ს, Ardesto-ს, Warmhaus-ისა და სხვა პრემიუმ თუ დაბალბიუჯეტური ბრენდებით სახლის ტექნიკით აღჭურვასა და კომფორტის შექმნაში დაგეხმარებათ.

თქვენთვის სასურველი საოჯახო ტექნიკის ყიდვა შესაძლებელია გრანდ ელექტრონიქსის ხუთ ფილიალში: საბურთალოს სითი მოლის, ისთ ფოინთის, მეგალაინის სავაჭრო ცენტრებში და გლდანისა და ვარკეთილის ფილიალებში, აგრეთვე 24/7-ზე გრანდ ელექტრონიქსის ვებგვერდის საშუალებით.