MyQ კომპანიაა, რომელიც ჭკვიანი სახლების ტექნოლოგიების შექმნისთვის აქტიურად მუშაობს. ამჯერად მათი ინოვაციური ტექნოლოგია სახლის ჭკვიანი კარებია, რომელიც შინაური ცხოველებისთვის და მათი პატრონებისთვისვისაა.

სახლში მარტო დარჩენილი შინაური ცხოველები, პატრონის ლოდინში ხშირად იწყენენ, მათ შეიძლება გასეირნება, ან სულაც ბუნებრივი მოთხოვნილებების დაკმაყოფილება მოუნდეთ. ამისთვის ეზოში გასვლა სჭირდებათ, მაგრამ როგორ, კარებს ღიას ხომ არ დავტოვებთ?

MyQ-ის ჭკვიანი კარები სწორედ ამ პრობლემის გადასაჭრელად შეიქმნა. ერთი შეხედვით ჩვეულებრივ კარებს, სპეციალური "ჭრილი" აქვს, რომლის გაღება-დაკეტვა დისტანციურად შეიძლება და ეს ისე, რომ მასში შინაური ცხოველი თავისუფლად გაძვრეს.

კარები კამერით და ორმხრივი აუდიო პროგრამით არის აღჭურვილი. თქვენი ოთხფეხა მეგობარი კარებთან დგება და ამაზე შეტყობინებას სპეციალური აპლიკაციით იღებთ. კამერით მისი დანახვა, ხოლო ხმოვანი შეტყობინებით მასთან "გასაუბრება" და მოსიყვარულება შეგიძლიათ. სურვილისამებრ, შინაურ ცხოველს კარებს დისტანციურად გაუღებთ, რომელიც მის ეზოში გასვლის შემდეგ ავტომატურად დაიკეტება. იგივეს გამეორება შეგიძლიათ მაშინ, როცა ის სახლში ბრუნდება.

აღსანიშნავია, რომ კარები აღჭურვილია სპეციალური უსაფრთხოების სენსორებით, რაც ცხოველს კარებში გაჭედვისგან იცავს. რაც შეეხება ზომას, კარებში თავისუფლად ეტევა, როგორც 4 კილოგრამიანი, ისევ 40 კილოგრამიანი შინაური ცხოველი.

შეგიძლიათ კარები ოთხფეხა მეგობარსაც ანდოთ. მასზე სპეციალური საყელოს ჩამოკიდების შემდეგ, ცხოველის კარებთან მიახლოების შემთხვევაში ის ავტომატურად გაიხსნება და დაიკეტება.

პროდუქტის შემქმნელები გვეუბნებიან, რომ ჭკვიანი კარები, ჩვენი ოთხფეხა მეგობრებისთვის ახალი პორტალია, რომელიც მათ ცხოვრებას ნამდვილად გაუხალისებს.

რუბრიკის სპონსორია ტექნიკის მაღაზიათა ქსელი გრანდ ელექტრონიქსი. გრანდ ელექტრონიქსი SHARP-ის, TOSHIBA-ს, Mitsubishi Electric-ის, Midea-ს, Ardesto-ს, Warmhaus-ისა და სხვა პრემიუმ თუ დაბალბიუჯეტური ბრენდებით სახლის ტექნიკით აღჭურვასა და კომფორტის შექმნაში დაგეხმარებათ.

თქვენთვის სასურველი საოჯახო ტექნიკის ყიდვა შესაძლებელია გრანდ ელექტრონიქსის ხუთ ფილიალში: საბურთალოს სითი მოლის, ისთ ფოინთის, მეგალაინის სავაჭრო ცენტრებში და გლდანისა და ვარკეთილის ფილიალებში, აგრეთვე 24/7-ზე გრანდ ელექტრონიქსის ვებგვერდის საშუალებით.