საგანგებო სიტუაციების მართვის სამსახურის ინფორმაციით, სამსახურეობრივი მოვალეობის შესრულების დროს დაიღუპა მეხანძრე-მაშველი თორნიკე კიპაროიძე. უწყების ინფორმაციით, ის გამოძახებაზე იმყოფებოდა რა დროსაც სახანძრო კიბიდან ჩამოვარდა.

მათივე ინფორმაციით, მეხანძრე სასწრაფო-სამედიცინო დახმარების ბრიგადამ გადაიყვანა შესაბამის სამედიცინო დაწესებულებაში, თუმცა მისი გადარჩენა ვერ მოხერხდა.

თორნიკე კიპაროიძე სახანძრო-სამაშველო ძალებში ერთი წელი მუშაობდა. შინაგან საქმეთა სამინისტროს საგანგებო სიტუაციების მართვის სამსახური სამძიმარს უცხადებს ოჯახს.