საზოგადოებრივი მაუწყებლის გენერალური დირექტორი, ვასილ მაღლაფერიძე აცხადებს, რომ საზოგადოებრივი მაუწყებელი ერთადერთი ტელევიზიაა, რომელიც კონკრეტული პირის ან ჯგუფის პოლიტიკურ და ფინანსურ ინტერესებს არ ემსახურება:

"დადგა დრო, როცა გამოვნახოთ დრო და ვიფიქროთ, როგორი უნდა იყოს საზოგადოებრივი მაუწყებელი, რომელიც ფინანსდება ჩვენი ჯიბიდან და რომელიც ერთადერთი ტელევიზიაა, რომელიც არ გამოხატავს რომელიმე კერძო პირის ან კერძო გარკვეული ჯგუფის პოლიტიკურ და ფინანსურ ინტერესებს. ამავე დროს, მე მინდა გთხოვოთ აქ დამსწრე ჟურნალისტებს, რომ არ შეხედოთ საზოგადოებრივ მაუწყებელს, როგორც კონკურენტს, შეხედეთ როგორც თქვენ ხართ ამისი თანამფლობელები და გთხოვთ, რომ მოგვცეთ საშუალება სწორად იყოს მიტანილი ის პრობლემატიკა, რომელსაც ჩვენ ვხედავთ".

მაღლაფერიძე ამ წუთებში პრესკონფერენციას მართავს თავის სამწლიან სამოქმედო გეგმაზე.