საქართველოს საფეხბურთო ეროვნული ნაკრების მთავარმა მწვრთნელმა, ვლადიმერ ვაისმა, ავსტრიაში დაგეგმილ სანაკრებო შეკრებაზე გამოძახებული ფეხბურთელების სია გამოაქვეყნა.

შეკრების ფარგლებში ქართველი ფეხბურთელები რამდენიმე ამხანაგურ მატჩს გამართავენ. 27 მაისს გუნდი სლოვაკეთის ნაკრებს შეხვდება. 3 ივლისს, ბუქარესტში, რუმინელებს დაუპირისპირდება, ხოლო შვიდ ივლისს, მადრიდში - ესპანეთს.

ვაისის 25 კაციან შემადგენლობაში სამი დებიუტანტი იქნება. ეროვნული გუნდის მაისურს პირველად მოირგებენ, ჩეხური ტეპლიცეს მცველი, აშშ-ში დაბადებული ფეხბურთელი, ზურაბ ცისკარიძე და დინამოს ნახევარმცველები, ჯაბა ჯიღაური და ვახტანგ ჭანტურიშვილი.

ტრავმის გამო გუნდს ვერ დაეხმარება "კრილია სოვეტოვში" მოთამაშე გიორგი ლორია. სეგუნდა დივიზიონში მოთამაშე ხიმნასტიკსის ნახევარმცველი გიორგი აბურჯანია და მეორე ბუნდესლიგის დუისბურგის შემტევი გიორგი ჭანტურია ნაკრებს სლოვაკეთთან თამაშის შემდეგ შეუერთდებიან. ორივე ფეხბურთელის გუნდს წინ უმნიშვნელოვანესი შეხვედრა აქვს და ფედერაციასთან შეთანხმებით, ჯერ კლუბებს დაეხმარებიან, შემდეგ კი - ნაკრებს.

ვაისის დასახელებული შემადგენლობა ასე გამოიყურება:

მეკარეები:

  • ნუკრი რევიშვილი (მორდოვია, რუსეთი)
  • გიორგი მაკარიძე (ფეირენსე, პორტუგალია)
  • როინ კვასხვაძე (ტორპედო)

მცველები:

  • გურამ კაშია (ვიტესი, ჰოლანდია)
  • სოლომონ კვერკველია (რუბინი, რუსეთი)
  • ალექსანდრე ამისულაშვილი (დინამო)
  • ლაშა დვალი (სლასკი, პოლონეთი)
  • ოთარ კაკაბაძე (დინამო თბ)
  • უჩა ლობჟანიძე (დინამო თბ)
  • გიორგი ნავალოვსკი (სკა-ენერგია, რუსეთი)
  • ზურაბ ცისკარიძე (ტეპლიცე, ჩეხეთი)

ნახევარმცველები:

  • ჯაბა კანკავა (რეიმსი, საფრანგეთი)
  • ნიკა კვეკვესკირი (ინტერი, აზერბაიჯანი)
  • გიორგი აბურჯანია (ხიმნასტიკი, ესპანეთი)
  • ლევან ყენია (სლავია, ჩეხეთი)
  • ჯანო ანანიძე (სპარტაკი, რუსეთი)
  • ალექსანდრე კობახიძე (დნიპრო, უკრაინა)
  • ვალერი ყაზაიშვილი (ვიტესი, ჰოლანდია)
  • თორნიკე ოქრიაშვილი (ესკიშეჰირსპორი, თურქეთი)
  • ჯაბა ჯიღაური (დინამო თბ)
  • ვახტანგ ჭანტურიშვილი (დინამო თბ)

ფორვარდები:

  • ლევან მჭედლიძე (ემპოლი, იტალია)
  • ვლადიმერ დვალიშვილი (პოგონი, პოლონეთი)
  • გიორგი ქვილითაია (დინამო თბ)
  • გიორგი ჭანტურია (დუისბურგი, გერმანია)

სანაკრებო შეკრება 24 მაისიდან დაიწყება.