კორონავირუსმა ჩვენი ყოველდღიურობა ნამდვილად შეცვალა. პირბადეები და ხელის სანიტაიზერები ჩვენი ყველაზე ხშირი თანამგზავრები გახდნენ. უამრავი სამსახური დისტანციურ რეჟიმზე გადავიდა. ადამიანები მაქსიმალურად დისტანცირდნენ.

ამ ტრენდს ბევრი კომპანია მიჰყვება და გვთავაზობენ ტექნოლოგიებს, რომლებიც ზედმეტი კონტაქტისგან და ვირუსის გავრცელებისგან გვიცავენ.

ერთ-ერთი ასეთია, Alarm.com, კომპანია, რომელიც ინოვაციურ კარის ზარს გვთავაზობს. ზარი სრულიად უკონტაქტოა და იყენებს ვიდეო ანალიტიკას. ის სახლის კარებთან მისულ ადამიანს აფიქსირებს და სპეციალურ ხალიჩაზე დადგომის შემდეგ, ზარს ავტომატურად რეკავს.

ზარში ჩამონტაჟებული კამერა და მიკროფონი საშუალებას მოგცემთ, ადამიანებს კარებთან მისვლის გარეშეც ეკონტაქტოთ. ეს შეიძლება იდეალური იყოს თვითიზოლაციაში მყოფი ადამიანისთვის, რომელიც საკვებს თუ რაიმე სხვა ნივთს იძახებს.

"ჩვენი უკონტაქტო კარის ვიდეო ზარი სახლის მეპატრონეებს და სტუმრებს სოციალური დისტანციის შენარჩუნებაში ეხმარება. ასევე, ზარზე და კარებზე კონტაქტის გარეშე ადამიანები თავიდან აიცილებენ მიკრობებს, ბაქტერიებს და ვირუსებს, რომლებიც სახლში შესასვლელ კარებზე შეიძლება იყოს." — ამბობენ კომპანიაში.

ამასთან, ამ ინოვაციურ მოწყობილობას ადამიანების ამოცნობაც კი შეუძლია. ის საკმარისად ჭკვიანია იმისთვის, რომ ადამიანები, ცხოველები და ნივთები ერთმანეთისგან გაარჩიოს. ეს იმას ნიშნავს, რომ ზარი მხოლოდ მაშინ დაირეკება, როდესაც ხალიჩაზე ადამიანი დადგება.

როგორც კომპანიაში ამბობენ, მათი ახალი ტექნოლოგია მხოლოდ კორონავირუსთან საბრძოლველად არ არის შექმნილი. ზარის კამერა სპეციალური ინფრაწითელი ღამის მხედველობით და სრული HD რეზოლუციითაა აღჭურვილი. ასე რომ, ის სახლის დარაჯადაც გამოდგება, აფიქსირებს რა ყველას და ყველაფერს, ვინც კარებს მიუახლოვდება.

რუბრიკის სპონსორია ტექნიკის მაღაზიათა ქსელი გრანდ ელექტრონიქსი. გრანდ ელექტრონიქსი SHARP-ის, TOSHIBA-ს, Mitsubishi Electric-ის, Midea-ს, Ardesto-ს, Warmhaus-ისა და სხვა პრემიუმ თუ დაბალბიუჯეტური ბრენდებით სახლის ტექნიკით აღჭურვასა და კომფორტის შექმნაში დაგეხმარებათ.

თქვენთვის სასურველი საოჯახო ტექნიკის ყიდვა შესაძლებელია გრანდ ელექტრონიქსის ხუთ ფილიალში: საბურთალოს სითი მოლის, ისთ ფოინთის, მეგალაინის სავაჭრო ცენტრებში და გლდანისა და ვარკეთილის ფილიალებში, აგრეთვე 24/7-ზე გრანდ ელექტრონიქსის ვებგვერდის საშუალებით.