თავდაპირველად, სატელიტურ ფოტოებზე ტყეში გაფანტულ ნაცრისფერ ლაქებს შეამჩნევ, ახლოდან დააკვირდები და თურმე, ხეებს შორის მოხეტიალე სპილოები არიან. ამ ფოტოებს მეცნიერები აფრიკული სპილოების დასათვლელად იყენებენ. კადრები დედამიწის შემსწავლელი სატელიტის მეშვეობით მოიპოვება, რომელიც დედამიწიდან 600კმ-ის დაშორებით არის. ეს ტექნიკა, უღრუბლო დღეს 5000კმ2-ზე გაფანტული სპილოების აღრიცხვის შესაძლებლობას იძლევა.

ფოტო: Maxar Technologies

ფოტო: Maxar Technologies

სპილოებს ალგორითმის საშუალებით ითვლიან, რომელსაც მათი ამოცნობის უნარი აქვს.

"ალგორითმი მაგალითების მიხედვით შეიქმნა, რათა სპილოს და მსგავს ობიექტს შორის განსხვავების დადგენა ავტომატურად მომხდარიყო, ამგვარად მოწყობილობას შეუძლია იმ დეტალების ამოცნობა, რომელიც შეუიარაღებელი თვალისთვის ძნელად გარჩევადია", — აღნიშნა ოლგა ისუპოვამ, University of Bath-ის დოქტორმა.

მეცნიერებმა, პირველ რიგში სამხრეთ აფრიკის ტერიტორია შეისწავლეს, სადაც სპილოების დიდი ოდენობა ფიქსირდება, რის გამოც დაკვირვებისთვის საუკეთესო ლოკაციაა.

ველური ბუნების დამცველებს კომერციული სატელიტებზე წვდომისთვის ფულის გადახდა მოუწევთ, მაგრამ ეს მიდგომა სპილოების აღრიცხვას გააიოლებს, რადგან სპილოები ხშირად კვეთენ საზღვრებს, ეს კი საჰაერო დაკვირვებას ართულებს.

მეცნიერთა აზრით, ეს მიდგომა უკანონო ნადირობის წინააღმდეგაც შეიძლება გამოიყენონ. "და რა თქმა უნდა, რადგან ფოტოების მოპოვება გალაქტიკიდან ხდება, კორონავირუსის დროს შეუფერხებლად მუშაობა შეგვიძლია. ზოოლოგიაში ტექნიკის ჩართულობა ნელი ნაბიჯებით მიიწევს წინ და მოხარული ვარ, რომ მსგავსი დამხმარე საშუალების გამოყენებას მაინც შევძლებთ", — განაცხადა ისლა დუპორჯმა, ოქსფორდის უნივერსიტეტის ველური ბუნების დაცვის სპეციალისტმა.