"არაკორექტულები ბრძანდებით"; "გაიგეთ რას ვამბობ, მე ასეთი ჟურნალისტიკა არ მესმის"; "ყველა ტელევიზიამ დამპატიჟა და ყველამ დამაცადა ლაპარაკი, თქვენს გარდა"; "ასეთი რამე არ მინახავს რა" - ამ რეპლიკებით მიმართა გია ჟორჟოლიანმა ტვ პირველის ჟურნალისტებს და ბოლოს სტუდიაც დატოვა.

გია ჟორჟოლიანის და პარტია სოციალ-დემოკრატების საკონსტიტუციო ინიციატივა გულისხმობს საკონსტიტუციო ჩანაწერის ამოღებას, რომელიც ახალი გადასახადის დაწესებას, ან გადასახადის გაზრდას მხოლოდ რეფერენდუმის მეშვეობით ხდის შესაძლებელს. სწორედ ამ საკითხზე სასაუბროდ მიიწვიეს ტვ პირველის გადაცემა ბიზნეს კონტრაქტში გია ჟორჟოლიანი. გადაცემის ერთ-ერთი წამყვანი შეეცადა, მისთვის კონკრეტული ქვეყნების გამოცდილებიდან გამომდინარე დაესვა კითხვები, თუმცა, დეპუტატმა კითხვებზე პასუხის გაცემა არ ისურვა და სტუდია დატოვა.

სრული გადაცემა იხილეთ აქ.