კოსმოსის და კოსმოსური ობიექტების უამრავი ფოტო გვინახავს და იშვიათი გამონაკლისის გარდა ყველა მათგანი ულამაზეასია. რამდენჯერაც არ უნდა ვნახოთ ეს ფოტოები, თუნდაც ჩვენთვის უკვე კარგად ნაცნობი პლანეტებისა თუ გალაქტიკებისა, ისინი ყოველთვის აღგვაფრთოვანებენ.

წარმოგიდგენთ ამ კვირის საუკეთესო კოსმოსურ ფოტოებს, რომლებიც არც ამჯერად დაგტოვებთ გულგრილს.

1. სატურნი

ნასას კასინის კოსმოსური ზონდი ყველასთვის ცნობილია ყველაზე ექსტრაორდინალური სურათებით, რომელიც სატურნს, მის რგოლებსა და მთვარეებს გადაუღო. და სატურნის „მხრის“ ეს ფოტოც არ არის გამონაკლისი.

ფოტო: NASA/JPL-Caltech/Space Science Institute

2. იაპონური სატვირთო გემი

საერთაშორისო კოსმოსურ სადგურს 27 იანვარს გამოეყო და შემდეგ კვირას სამეცნიერო ექსპერიმენტებში მიიღებს მონაწილეობას, ვიდრე 5 თებერვალს დედამიწის ატმოსფეროში არ დაიწვება.

ფოტო: NASA

3. თეტისი

კასინის გადაღებული კიდევ ერთი ფოტო. ამჯერად სატურნის დიდი, ყინულოვანი მთვარის, თეტისის ფოტო. მთვარე და მისი უზარმაზარი კრატერი ოდისევსის ცენტრალური ნაწილი ჰგავს თვალს, რომელიც მის გარშემო უზარმაზარ კოსმოსსაა მიშტერებული.

ფოტო: NASA/JPL-Caltech/Space Science Institute

4. ახალი სკაფანდრი

ნასას ასტრონავტები ბოინგის ახალი კოსმოსური სკაფანდრებით იფრენენ. ეს ლურჯი კოსტუმები ბევრად უფრო მსუბუქი, მარტივი და კომფორტული იქნება, ვიდრე კოსმოსური შატლის ხანაში გამოყენებული ნარინჯისფერი დიდი მოცულობის სკაფანდრები.

ფოტო: BOEING

5. ნახევარდედამიწა

ამინდის „სათვალთვალო“ ახალმა თანამგზავრმა დედამიწიდან არეკლილი შუქი პირველად მოახვედრა თავის ობიექტივში. ეს ფოტო კი ნამდვილად ულამაზესია! ახალი თანამგზავრი, სახელად GOES-16, პირველი 4 თანამგზავრიანი უახლესი ტექნოლოგიებით აღჭურვილი მოწყობილობაა, რომელსაც კოლექტიურად GOES-R ჰქვია. GOES იშიფრება, როგორც Geostationary Operational Environmental Satellite.

ფოტო: NOAA/NASA

6. დაფნისი

სატურნის „ტალღის წარმომქმნელი“ მთვარე დაფნისი ნასას კასინის ზონდმა დააფიქსირა. თანამგზავრი სატურნის რგოლებს შორის არსებულ სივრცეში მოძრაობს, რომელსაც კილერის ნაპრალი ჰქვია. ამ პაწაწინა მთვარის გრავიტაცია ქმნის ჭავლებს სატურნის გლუვი რგოლების სიბრტყეში. კასინიმ ეს ფოტო 16 იანვარს გადაიღო და დღესდღეობით დაფნისის უახლოესი ხედია.

ფოტო: NASA/JPL-Caltech/Space Science Institute

7. სპირალური გალაქტიკა

ჩვენი ირმის ნახტომის მსგავს სპირალურ გალაქტიკებს ცენტრში ზემასიური შავი ხვრელი აქვთ. მაგრამ ამ სპირალურ გალაქტიკას, რომელსაც RX J1140.1+0307 ჰქვია, ერთ-ერთი ყველაზე მსუბუქი შავი ხვრელი აქვს რაც კი ოდესმე აღმოუჩენიათ მეცნიერებს. ეს ფოტო ჰაბლის კოსმოსურმა ტელესკოპმა გადაიღო. ჩახლართულსახელიანი გალაქტიკა RX J1140.1+0307 კი ქალწულის თანავარსკვლავედის მიმართულებით მდებარეობს.

ფოტო: ESA/Hubble & NASA, Acknowledgement: Judy Schmidt