თბილისში, მაჩაბლის ქუჩაზე მომხდარი ყაჩაღური თავდასხმის საქმეზე სამართალდამცველებმა უცხო ქვეყნის 2 მოქალაქე დააკავეს. ინფორმაციას შსს ავრცელებს.

უწყების ცნობით, ერთ-ერთი მათგანი, 1981 წელს დაბადებულმა რ.ბ.-მ, ცეცხლსასროლი იარაღით თავს დაესხა ავტომობილში მყოფ ორ პირს — 25 წლამდე ასაკის უცხო ქვეყნის მოქალაქეებს. თავდასხმისას მან იარაღი გაისროლა, ერთი პირი დაჭრა, წაართვა მანქანა და ფული და შემთხვევის ადგილიდან მიიმალა.

დაჭრილ პირს ჩაუტარდა სამედიცინო დახმარება და მის სიცოცხლეს საფრთხე არ ემუქრება.

შინაგან საქმეთა სამინისტროს ინფორმაციით, გამოძიებამ დაადგინა, რომ თავდასხმის ორგანიზატორი მეორე ბრალდებული — 1975 წელს დაბადებული ა.ჩ. — იყო. სამართალდამცველებმა ნივთმტკიცებად ამოიღეს მოპარული თანხა და ავტომობილი.

ორივე პირი დაკავებულია სისხლის სამართლის კოდექსის 179-ე და 236-ე მუხლებით, რაც 12 წლამდე თავისუფლების აღკვეთას ითვალისწინებს.