დასავლეთ საქართველოს პროკურორად ზაზა მეტონიძე დაინიშნა, სამეგრელო-ზემო სვანეთის პროკურორად

პროკურატურის ინფორმაციით, უწყებაში განხორციელებული საკადრო ცვლილებების შედეგად დასავლეთ საქართველოს საოლქო პროკურორად ზაზა მეტონიძე დაინიშნა, რომელიც მანამდე აჭარის ავტონომიური რესპუბლიკის პროკურორის თანამდებობას იკავებდა; სამეგრელო-ზემო სვანეთის საოლქო პროკურორად კი — ირაკლი კოძახიძე, რომელიც მანამდე დასავლეთ საქართველოს საოლქო პროკურორის მოადგილის პოზიციაზე მუშაობდა.

ახალი ხელმძღვანელები ჰყავთ თბილისის, ქვემო ქართლის, შიდა ქართლისა და მცხეთა-მთიანეთის საოლქო პროკურატურებსაც. ამის შესახებ გუშინ, 16 ივლისს გახდა ცნობილი.

თბილისის პროკურორად გიორგი მიქაია დაინიშნა, რომელიც მანამდე დასავლეთ საქართველოს საოლქო პროკურორის თანამდებობას იკავებდა;

ქვემო ქართლის საოლქო პროკურორად კი დავით ჩხარტიშვილი დაინიშნა, რომელიც შიდა ქართლისა და მცხეთა-მთიანეთის საოლქო პროკურორის პოზიციაზე მუშაობდა;

შიდა ქართლისა და მცხეთა-მთიანეთის საოლქო პროკურორად ლევან გეგეჭკორი დანიშნეს, რომელიც საქართველოს გენერალური პროკურატურის სუს-ში, სახელმწიფო დაცვის სპეციალურ სამსახურში, დაზვერვის სამსახურში, თავდაცვის სამინისტროსა და შსს-ის სახელმწიფო საქვეუწყებო დაწესებულება — სასაზღვრო პოლიციაში გამოძიების საპროცესო ხელმძღვანელობისა და ოპერატიულ-სამძებრო საქმიანობაზე ზედამხედველობის დეპარტამენტის უფროსის პოზიციას იკავებდა.

გენპროკურორმა, გიორგი გვარაკიძემ მადლობა გადაუხადა გაწეული საქმიანობისთვის იმ თანამშრომლებს, რომლებსაც აღნიშნული თანამდებობები ეკავათ და ახალ პოზიციებზე წარმატებები უსურვა.

ასევე იხილეთ:

ბოლო ამბები:

გირჩევთ