2020 წელს უამრავი ჩვენგანის საუკეთესო მეგობრები სახლში მომრავლებული სუკულენტები გახდნენ. ისინი წარმოუდგენლად დადებითად მოქმედებენ ჩვენს განწყობაზე, მენტალურ ჯანმრთელობაზე, აურაზე, რომელიც ჩვენს ოთახებში თუ სახლში მოწყობილ სამუშაო კუთხეებში სუფევს. და არ უნდა დაგავიწყდეთ, რომ ეს მცენარეებიც იმსახურებენ ჩვენგან ზრუნვას, ყურადღებას და მოფრთხილებას.

წარმოგიდგენთ 11 საჩუქარს, რომელიც ყველა იმ ადამიანს გაუხარდებოდა, რომლის სახლშიც სუკულენტებს დიდ პატივს სცემენ.

1. ქოთნების საკიდი

თუ სახლში პატარა დაკიდული ბაღების მოწყობა გსურს, ან მსგავსი ინტერესების მქონე ადამიანს იცნობ, ეს საკიდი ნებისმიერი სუკულენტის მოყვარულის სახლში შექმნის ბოჰემურ გარემოს. თან, თაროების ზედაპირებიც გათავისუფლდება.

ფასი: 4 ცალი $8,99

2. ვეება, უპრეტენზიო დიზაინის ქოთანი

ვეება შეიძლება ცოტა გაზვიადებულია, მაგრამ სხვადასხვა სახეობის სუკულენტის კომპოზიციისთვის, ეს ქოთანი იდეალური არჩევანია. თან თავისი ანტიკური დიზაინით ნებისმიერ გარემოს მოუხდება. მისი სიგრძე 20 სანტიმეტრს აღემატება, ხოლო სიგანე და სიღრმე 8 სანტიმეტრამდე აღწევს.

ფასი: $9,96

3. წიგნი მომავალი მებაღისთვის

მცენარეებზე შეყვარებული ადამიანისთვის, რომელიც თავისი ბაღის გაცოცხლებას, ან აივანზე პატარა ორანჟერეას მოწყობას გეგმავს, ეს ყველაზე გულისხმიერი საჩუქარი იქნება. ამ ილუსტრირებულ წიგნში ის კაქტუსისა და სუკულენტის 40-მდე სახეობას და მათ 125 წარმომადგენელს გაეცნობა და გაიგებს, როგორ განსხვავდება მათი საჭიროებები თუ ზრუნვის მეთოდები. წიგნი, სახელად მებაღის სახელმძღვანელო, უამრავ ხერხსა და რჩევას გვპირდება და ამაზონის წიგნების რედაქტორისაგანაც მაღალი შეფასებაც აქვს დამსახურებული.

ფასი: სქელყდიანი $14,39, ხოლო ქინდლის ვერსია $9,99

4. მშვენიერი გულსაბნევები

Ain't they perfectly splendid?

ეს პაწაწინა, ფერადი საოცრებები მცენარეებზე შეყვარებულ მეგობრებს შეგიძლია გაუნაწილო და ჩანთების, ქუდების, პერანგების თუ ჯინსის ქურთუკების გასაფორმებლად, რამდენიმე შენთვისაც დაიტოვო. თან, რომ გამოთვალო, 1 ცალი $1-ზე ნაკლები გიჯდება.

ფასი: 17 ცალი $12,99

5. კერამიკის "ნაძვის ხე"

ეს მშვენიერი საახალწლო აქსესუარი ნაძვის ხის ალტერნატივად არ გამოდგება, მაგრამ საძინებელში საახალწლო განწყობის შესაქმნელად მშვენიერი გამოსავალია. რომელი ყვავილებზე შეყვარებული ადამიანი არ დაიძინებდა ბედნიერად სუკულენტების მქრქალი განათების ფონზე?

ფასი: $17,99

6. ბუს ფორმის ქოთნები, იმიტომ რომ, რატომაც არა?

ყველა სამეგობროშია ერთი ადამიანი, რომელიც ბუებზეა შეყვარებული. მის ნივთებში ყველაფერი ამ თვალებბრიალა, ფუმფულა ფრინველს უკავშირდება — საფულე, თმის სამაგრი, პირბადე, მობილურის ჩასადები, გულსაკიდი, ჩანთა... და თუ მათ მცენარეებიც უყვართ, ამაზე უფრო ზუსტს რას შეურჩევ?

ციცქნა სუკულენტების კერამიკის ხელნაკეთი ქოთნები ოთახს მომხიბვლელობას და სიმყუდროვეს შემატებს. მას საჩუქრად რამდენიმე აქსესუარიც მოჰყვება, მათ შორის — სანამი.

ფასი: 6 ცალი $15,99

7. მცენარეების "D ვიტამინი"

ზამთრის დღეებში, როცა სინათლეს მოწყურებული მცენარეებისთვის მზის სხივები არც ისე ხელმისაწვდომია, მათ გასაზრდელად ჯანსაღ გარემოს ხელოვნურად ქმნიან, ამაში კი LED-განათება ეხმარებათ.

ამ სანათს ზუსტად ეს დანიშნულება აქვს. ის გადახურულ გარემოში მყოფ მცენარეებს — სუკულენტებს, კაქტუსებს, ბოსტნეულს, ხილს — გაზრდაში ეხმარება. სანათს აქვს წითელი, ლურჯი და მესამე - ერთდროულად ორივე ფერის ნათურა. წითელი ნათურა მცენარეს ფოტოსინთეზის, გაღვივების, ყვავილობის პროცესში, ლურჯი კი — ქლოროფილის წარმოქმნაში ეხმარება. ამ ენერგიის მიღებით, მცენარის განვითარების პროცესი სწრაფდება.

პარამეტრების დაყენებით, სანათი ყოველდღე ავტომატურად ერთსა და იმავე დროს ჩაირთვება — 3, 6 ან 12 საათით.

ფასი: $19,91

8. ხელსაწყოები

ეს ნივთები ყველა იმ ადამიანის სახლში უნდა იყოს, რომელიც მცენარეებზე ზრუნავს. ნაკრებში შედის წყალგაუმტარი ხალიჩა, გადასარგავად საჭირო ხელსაწყოები, სპეციალური მაკრატელი, ფოთლების სანამი, გასაფხვიერებელი ინსტრუმენტები, ნიჩაბი, პინცეტი და ა.შ.

ნაკრები სულ 13 ნივთისგან შედგება და როგორც მომხმარებლები კომენტარების განყოფილებაში წერენ, 13-ვე ინსტრუმენტს თავისი დანიშნულება აქვს.

ფასი: $11,99

9. მაგნიტები

სუკულენტებით მორთული მაცივარი? რატომაც არა. ეს პატარა, ბუთქუნაფოთლებიანი მცენარე თუ გიყვარს, არასდროს გეზედმეტება. ციცქნა, რეზინის მაგნიტებით აჭრელებული მაცივარი ოჯახის წევრებისთვის მესიჯების გადაცემაში, ან უბრალოდ მეგობრების ფოტოების დამაგრებაში დახმარებას ყველას გაუწევს.

ფასი: $11,99

10. სამკაულების საკიდი

მაღალი ხარისხის კერამიკით დამზადებული ეს ესთეტიკური და ამავდროულად, აუცილებელი ნივთი ნებისმიერი საძინებლის თუ აბაზანის თაროს მოუხდება. ამ საკიდის დანახვისთანავე თუ გაგახსენდა მეგობარი, რომელსაც სამკაულები და ლამაზი ნივთები უყვარს, საჩუქარი უკვე შეგირჩევია.

ფასი: $15,33

11. ფინჯანი

მოსაზრება, რომ ფინჯანი საჩუქრებიდან თავის დაძვრენის მარტივი საშუალებაა, ყოველთვის სიმართლე არაა. ეს ნივთი შენს მეგობარს ყოველთვის ყველაზე "გემრიელ მომენტებში" გაახსენებს შენს თავს — დილის ყავის დროს, როცა სამსახურში იქნება, ან როცა ფიფქების ბარდნას ფანჯრიდან უყურებს და თან გემრიელად შეექცევა მარშმელოუებიან ცხელ შოკოლადს.

ფასი: $14,99

12. საახალწლო განათებები

რადგან ეს სტატია გახსენი, მწვანე ფერიც ძალიან გეყვარება. მგონი იმსახურებ საკუთარი თავის დასაჩუქრებას ამ საახალწლოდ, არა? კაქტუსის ფორმის განათებები შენს საძინებელსა თუ მისაღებ ოთახში საოცარ განწყობას შემოიტანს და საღამოებს გაგილამაზებს. კი, მყუდრო და სადღესასწაულო გარემო ნამდვილად დაიმსახურე.

ფასი: $13,99