გასეირნება მრუდე ქუჩაზე — 10 საჩუქარი, რომელიც საახალწლოდ ჰოგვორტსში დაგაბრუნებს
შობა-ახალწლის მოახლოებისას ერთადერთი, რაზეც გვეფიქრება, საჩუქრებია. საათების განმავლობაში ონლაინმაღაზიების უთვალავი გვერდის თვალიერება და საბოლოოდ, ხელმოცარულს და დაქანცულს ბანალური საჩუქრის არჩევა არცთუ იშვიათად გვიხდება. თუმცა, ეს მომაბეზრებელი დეკემბრისეული რუტინა უფრო სახალისო ხდება, როცა ზუსტად იცი, რა გაგიხარდება შენ ან შენს საყვარელ ადამიანს.
რადგან ამ სტატიას კითხულობთ, სავარაუდოდ, ვიცით, რაზეც დაფიქრდით ახლა. ვერა, წლეულს ვერაფრით დაგეხმარებით, სამწუხაროდ, ჰოგვორტსიც დისტანციურ სწავლებაზეა გადასული.
სანამ პროფესორი მაკგონაგელი სკოლაში მაგლური ტექნოლოგიების დანერგვას, ჰაგრიდი კი თავისი ზომის პირბადის შოვნას ცდილობს, ჩვენ, ტრადიციულად, აპარაციის ნაცადი ხერხით შეგვიძლია ჰოგვორტში შეღწევა — თუმცა, წიგნებისა და ფილმების გარდა, არსებობს საოცარი და მაგიური საჩუქრები, რომლებიც თავს საკუთარი კლუბის საერთო ოთახში და, ხანდახან, დიდ დარბაზში გაგრძნობინებთ. აუცილებელი არაა, წინასაახალწლოდ ისედაც გადაჭედილ მრუდე ქუჩას ესტუმროთ, წელს ყველაფრის შეძენა სახლიდანაც შეგიძლიათ.
1. სნეიპისგან საიმედოდ დამალული ონავართა რუკა — ჭიქაზე
მთვარეულასთან, გრძელკუდასთან, მაწანწალასა და ქორბუდასთან დიდი ბოდიშის მოხდით უნდა აღინიშნოს, რომ ონავრების რუკის მათი მოგონილი თავდაცვა მაინცდამაინც საიმედო არაა — ბოლოს და ბოლოს, ნაშუაღამევს მობოდიალე პროფესორსაც კი შეუძლია მისი გაშიფრვა. იქნებ, ჯადოსნური ჭიქა გეცადათ? დიდად საეჭვოა, სნეიპი ღამის დერეფნებში ცხელი წყლით სავსე თერმოსით დაიარებოდეს, თქვენ კი ყავით ან ჩაით სავსე ჭიქის გადაქცევა და რუკის წაშლა ყოველთვის შეგეძლებათ.
2. ჯადოსნური მათლაფა მადამ პოტაჟის მაღაზიიდან
ზამთრის ცივ დღეებში მაგლსაც და მაგსაც ყველაზე მეტად ალბათ ცხელი წვნიანი ესიამოვნება — რომელი შელოცვა გაგათბობს ისე, როგორც სახლში გაკეთებული სუპი-სოუსი. სწორედ ამიტომ, მათლაფა კოვზითურთ, საგანგებოდ მადამ პოტაჟის ქვაბების მაღაზიიდან, მეტად გამოსადეგი ნივთია. მაღაზიის მფლობელმა მრუდე ქუჩაზე მისულ On.ge-ის რეპორტიორს ისიც კი განუცხადა, ლობიოს შეჭამანდსა და ჩიხირთმაზეც არაჩვეულებრივად მიდისო.
3. მაგლ სტუმრებს სალამი!
სტუმარი მაგების სამყაროშიც ძვირფასია, თუმცა სტუმარსაც გააჩნია, განსაკუთრებით კი თვითიზოლაციის პირობებში... ყველაფრის მიუხედავად, ხანდახან მომაბეზრებელია, როცა ახლობლები "ასაკთან შეუფერებელი ქცევის" — ჰარი პოტერის სიყვარულის — გამო გვტუქსავენ წინადადებით "როდის უნდა გაიზარდო". ამიტომ, კარგი იქნება, კარებშივე გამოკრულმა აბრამ თქვენ მაგივრად მიახალოს, რომ თუ ზრდასრულობა ჰარი პოტერის აღარყურებასა და აღარწაკითხვას ნიშნავს, არასდროს არაფრის დიდებით არ ვაპირებთ გაზრდას!
4. აბა, რა ვარ?
ეს საჩუქარი მაგლებისთვის ნამდვილად არ გამოდგება და, შესაძლოა, თქვენც კიდევ ერთხელ მოგიხდეთ ჰარი პოტერის წიგნებისა და ფილმების მარათონის მოწყობა. ჰოგვორტსის საჭმელები, შელოცვები და ჯადოსნური არსებები — ამ ყველაფრის გახსენება ხშირად არცთუ ადვილია, მით უმეტეს როცა თამაშში მისგან ქულების მიღებაა შესაძლებელი.
ეგრეთ წოდებული ჰედბანზი შესანიშნავი გასართობია პოტერჰედი მეგობრებისთვის. "აბა, რა ვარ?" ისმის კითხვა და ყველა დანარჩენი მოთამაშე მედგარი თვალებით ამბობს: "დობი თავისუფალი ელფია". კი, ნამდვილად თავისუფალი ელფია, თუმცა თუკი მეგობრებიდან რომელიმე ჰერმიონის ელფთა დაცვის საზოგადოებაშია გაწევრებული, სულაც არაა გამორიცხული, კითხვითი ნაცვალსახელი "რას" ელფთან მიმართებით გამოყენებისთვის სერიოზულ შარში გაეხვეთ.
5. ორიგამის სახელმძღვანელო ჯოხდაკარგული პოტერჰედებისთვის
ყველა-ყველა და ჰერმიონი თუ რამეს არ გვაპატიებდა, ამ სიაში სახელმძღვანელოს არყოფნა იქნებოდა. ამიტომ, საახალწლო დღეები რომ გაიხალისოთ და არდადეგებსა და შვებულებაზე ახალი უნარებიც შეიძინოთ, ორიგამის სახელმძღვანელო ნამდვილად შესანიშნავი არჩევანია — მთელი მაგია მხოლოდ ფურცლითაც შეიძლება შეიქმნას, ბოლოს და ბოლოს, ჰარი პოტერი სწორედაც რომ ფურცელზე შეიქმნა. თუმცა ორიგამის ხელოვნება უფრო დახვეწილი და შემოქმედებითი საქმეა — თავად ქმნი 3-განზომილებიან ფიგურებს: რონისთვის გამოგზავნილ მყვირალას, ოქროს სნიჩს, ტუტუც მისის ნორისს და რაც მთავარია — ჰოგვორტსის დიდებულ ციხე-კოშკს.
6. მუსიკალურ-ჯადოსნური ყუთი
ჰარი პოტერის ატმოსფეროს შექმნა ლეგენდარული ჯონ უილიამსის საუნდტრეკის გარეშე ვინმეს წარმოუდგენია? ჩვენ — ნამდვილად არა. ამიტომ, გადავწყვიტეთ, რომ ამ ციცქნა მუსიკალურ ყუთს, რომელიც ჟრუანტელისმომგვრელ ნაცნობ ჰანგებს აჟღერებს, ყველა პოტერჰედი იმსახურებს. თუ არცერთ მუსიკალურ ინსტრუმენტზე დაკვრა არ იცით, არ დაგავიწყდეთ, რომ ეს ყუთი ჯადოსნურიცაა და მხოლოდ სათითურის წრიული დატრიალებითაც შეიძლება მაგიის შექმნა.
7. "ირწმუნე საკუთარი თავის" — გამამხნევებელი ბალიში
ეს ბალიში მხოლოდ ახალი წლის დღეებში კი არა, მთელი წლის განმავლობაში გაგამხნევებთ და როცა დანებებას გადაწყვეტთ, შეგახსენებთ, რომ ყველაზე მნიშვნელოვანი თვითრწმენაა — ჰარი პოტერმაც ხომ სწორედ ეს გვასწავლა.
"მუყაითად მუშაობა მნიშვნელოვანია, თუმცა ამაზე მნიშვნელოვანია, საკუთარი თავის გჯეროდეს", — წერია ბალიშზე;
ეს სიტყვები, შეგულიანების გარდა, ყოველთვის შეგახსენებთ, რომ ყველაზე ჯადოსნური მაგლური ნივთი ბალიშია.
8. დღიური (ტომ რიდლის არა!)
ბოლო დღიური, ჯადოქარი რომ ენდო, ჰორკრუქსი აღმოჩნდა. თუმცა გაცრეცილფურცლებიანი და მაგარყდიანი ბლოკნოტი, გვერდები რომ პერგამენტებს მოგაგონებს, ისეთივე საჭირო ნივთია ახალი წლისთვის, როგორც, მაგალითად, ნაძვის ხე. 2021 წლისადმი დიდი მოლოდინებით შემართულმა შეგიძლიათ, ყველა თქვენი გეგმა გაუზიაროთ მას.
ისე, ვინიცობაა და შეატყოთ, რომ დღიური გესაუბრებათ, ჯოხი აიღეთ ხელში, უკან დაიხიეთ ნელ-ნელა და თან იძახეთ: "აშმალახა, აშმალახა".
9. კალენდარი, იგივე მაგლების შემახსენებელი
2020-ის გადამკიდე, რომელმაც ყველა ჩვენგანს აურია დღის რეჟიმი და გულმავიწყ ნევილებად გვაქცია, ჩვეულებრივი შემახსენებლები ონლაინმაღაზიების გვერდებზეც კი დეფიციტშია, ასე რომ, რას ვიზამთ, მაგლების შემახსენებელს დავჯერდეთ — ეს კალენდარი, რომელიც საყვარელი პერსონაჟების ფოტოებითაა გაფორმებული, მოიცავს სტიკერებსაც. მათით შეგიძლიათ მნიშვნელოვანი დღეები აღნიშნოთ: დაბადების დღეები, ექსკურსიები, ექიმთან ვიზიტის დღეები და ა.შ. ერთი სიტყვით, ფრიად გამოსადეგი ნივთია.
10. ძვირფასო მისტერ პოტერ — საფულეში ახლა გაქვთ...
საახალწლოდ ალბათ ბარაქის ხის დარგვაც მოასწარით უკვე და სად უნდა დააგროვოთ ბარაქა თუ არა საფულეში. იმ საფულის გახსნა კი, რომელსაც ჰოგვორტსიდან გამოგზავნილი წერილის ფორმა აქვს, ყოველთვის ამაღელვებელია, თუნდაც საგრძნობლად სქელი არ ჩანდეს იგი. პოლიესტირისგან დამზადებული ეს საფულე, რომლის უკანა მხარეზეც დერსლების მიერ მრავალგზის ნადევნი წერილის გარე ტექსტი იკითხება, თქვენ გარშემომყოფ მაგლებს ბევრს არაფერს ეტყვის თქვენ შესახებ, თუმცა რეკომენდებული არაა წერილის ჯერ კიდევ მომლოდინე ზრდასრულ პოტერჰედებთან გამოაჩინოთ ნივთი.
ბონუსი: საჩუქრების შესაფუთი ქაღალდი
თუ ამ ზემოთ ჩამოთვლილი ნივთებიდან რომელიმე ახლობელი ადამიანისათვის საჩუქებლად თვალში მოგივიდათ, ცხადია, შესაფუთი ქაღალდიც დაგჭირდებათ. ადრესატს რომ მცირედი მინიშნება მისცეთ, რა სიხარული ელის, ყველაზე უკეთესი გამოსავალი თემატური შესაფუთი ქაღალდია. თუმცა რონ უიზლისნაირ ადამიანებს, შეგიძლიათ, შეუფუთავადაც აჩუქოთ — მაინც ვერ შეამჩნევენ ვერც შესაფუთ ქაღალდს და ვერც იმას, როგორ ულმობლად დაფლეთენ მას გახსნისას .
-
გადახედვაGPBA: კონსოლიდაცია რუსეთის დამპყრობლურ პოლიტიკასთან ბრძოლის აუცილებელი პირობაა GPBA: კონსოლიდაცია რუსეთის დამპყრობლურ პოლიტიკასთან ბრძოლის აუცილებელი პირობაა
-
გადახედვასააკაშვილი ენმ-ს პარტიის ბორდის შექმნას და თავმჯდომარედ მისი კანდიდატურის განხილვას სთხოვს სააკაშვილი ენმ-ს პარტიის ბორდის შექმნას და თავმჯდომარედ მისი კანდიდატურის განხილვას სთხოვს
-
გადახედვაოზურგეთის საკრებულოს თავმჯდომარის, დავით დარჩიას შვილი: არა რუსულ კანონს! ოზურგეთის საკრებულოს თავმჯდომარის, დავით დარჩიას შვილი: არა რუსულ კანონს!
-
გადახედვაკვლევის თანახმად, მელიები ადამიანების "საუკეთესო მეგობრები" იყვნენ კვლევის თანახმად, მელიები ადამიანების "საუკეთესო მეგობრები" იყვნენ
-
გადახედვალაზარეს განაჩენის სარეზოლუციო ნაწილი პრეზიდენტს ჯერ არ მიუღია — მის მოსამზადებლად, მოსამართლემ 14-დღიანი ვადა აიღო ლაზარეს განაჩენის სარეზოლუციო ნაწილი პრეზიდენტს ჯერ არ მიუღია — მის მოსამზადებლად, მოსამართლემ 14-დღიანი ვადა აიღო
-
გადახედვალავროვი ოცნების რუსულ კანონზე ამბობს, რომ "ძალიან რბილია" ლავროვი ოცნების რუსულ კანონზე ამბობს, რომ "ძალიან რბილია"
-
გადახედვადეა მელაძე: არა რუსულ კანონს! გელით რუსთაველზე დეა მელაძე: არა რუსულ კანონს! გელით რუსთაველზე
-
გადახედვავახტანგ გომელაური: აქციის მონაწილეები სიტყვიერ შეურაცხყოფას აყენებდნენ პოლიციას, ამის შემდეგ მოხდა დაპირისპირება ვახტანგ გომელაური: აქციის მონაწილეები სიტყვიერ შეურაცხყოფას აყენებდნენ პოლიციას, ამის შემდეგ მოხდა დაპირისპირება
-
გადახედვახაბეიშვილი: ელისაშვილის ცემა იყო მიზანმიმართული, საზოგადოებას უთხრეს — თუ პარლამენტარს ასე ვექცევით, თქვენ უარესად მოგექცევით ხაბეიშვილი: ელისაშვილის ცემა იყო მიზანმიმართული, საზოგადოებას უთხრეს — თუ პარლამენტარს ასე ვექცევით, თქვენ უარესად მოგექცევით
-
გადახედვარა ეწერა რუსთავი 2-ის საინფორმაციოს უფროსის Whatsapp სტატუსში, რომელიც დღეს გამოქვეყნდა და მალევე წაიშალა რა ეწერა რუსთავი 2-ის საინფორმაციოს უფროსის Whatsapp სტატუსში, რომელიც დღეს გამოქვეყნდა და მალევე წაიშალა
-
გადახედვაოცნების დეპუტატის, გია ცაგარეიშვილის შვილი: მედვედევს რაც მოსწონს, დუგინს რაც მოსწონს — ჩვენ ავტომატურად არ მოგვწონს, 2x2 ოცნების დეპუტატის, გია ცაგარეიშვილის შვილი: მედვედევს რაც მოსწონს, დუგინს რაც მოსწონს — ჩვენ ავტომატურად არ მოგვწონს, 2x2
-
გადახედვაახალგაზრდების ორგანიზებით, პარლამენტთან საპროტესტო აქცია დღეს 19 საათზე იგეგმება ახალგაზრდების ორგანიზებით, პარლამენტთან საპროტესტო აქცია დღეს 19 საათზე იგეგმება
-
გადახედვატაბიძეზე მომხდარი დაჭრის ფაქტზე ერთ პირს ბრალი წარუდგინეს ტაბიძეზე მომხდარი დაჭრის ფაქტზე ერთ პირს ბრალი წარუდგინეს
-
გადახედვარატომ გაუჩინარდნენ ევროპის მონადირე-შემგროვებლები რატომ გაუჩინარდნენ ევროპის მონადირე-შემგროვებლები
-
გადახედვასაფრანგეთმა აზერბაიჯანიდან კონსულტაციებისთვის ელჩი გაიწვია საფრანგეთმა აზერბაიჯანიდან კონსულტაციებისთვის ელჩი გაიწვია
-
გადახედვაოცნება ოფშორებთან დაკავშირებულ კანონს ივანიშვილს არგებს, იზრდება კრიმინალური და რუსული კაპიტალის შემოდინების რისკიც — TI ოცნება ოფშორებთან დაკავშირებულ კანონს ივანიშვილს არგებს, იზრდება კრიმინალური და რუსული კაპიტალის შემოდინების რისკიც — TI
-
გადახედვასადგური, რომელსაც ჩინეთის მთავრობა აშენებს, ინტერნეტმა ჰიგიენურ საფენს მიამსგავსა სადგური, რომელსაც ჩინეთის მთავრობა აშენებს, ინტერნეტმა ჰიგიენურ საფენს მიამსგავსა
-
გადახედვაპარლამენტში გომელაურის მოსმენისას ხმაური იყო — პაპუაშვილმა სალომე სამადაშვილს დარბაზი დაატოვებინა პარლამენტში გომელაურის მოსმენისას ხმაური იყო — პაპუაშვილმა სალომე სამადაშვილს დარბაზი დაატოვებინა
-
გადახედვაევროკავშირს კი არა, ყველანაირ დასავლეთს დაგვავიწყებენ, არც ვიზალიბერალიზაცია შეგვრჩება — რას ამბობს ოპოზიცია ოფშორების კანონზე ევროკავშირს კი არა, ყველანაირ დასავლეთს დაგვავიწყებენ, არც ვიზალიბერალიზაცია შეგვრჩება — რას ამბობს ოპოზიცია ოფშორების კანონზე
-
გადახედვაპარლამენტმა ე.წ. ოფშორების შესახებ კანონი დაამტკიცა პარლამენტმა ე.წ. ოფშორების შესახებ კანონი დაამტკიცა
-
გადახედვავენერას ატმოსფეროდან კოსმოსში ნახშირბადი და ჟანგბადი ჟონავს ვენერას ატმოსფეროდან კოსმოსში ნახშირბადი და ჟანგბადი ჟონავს
კომენტარები