რუმინეთის ერთ-ერთ კლინიკაში, სადაც კორონავირუსით ინფიცირებულები მკურნალობდნენ, ხანძრი გაჩნდა. დაიღუპა, მინიმუმ, 10 პაციენტი, რამდენიმე კი მძიმედ დაშავდა. ამის შესახებ ინფორმაციას ოფიციალურ პირებზე დაყრდნობით BBC ავრცელებს.

მედიის ცნობით, ცეცხლი რეანიმაციულ განყოფილებაში გაჩნდა, ხოლო ერთ-ერთი ექიმი, რომელმაც პაციენტების გადარჩენა სცადა, ახლა კრიტიკულად მძიმე მდგომარეობაშია.

რუმინეთს ჯანდაცვის მინისტრის, ნელუ ტატარუს განცხადებით კი, ხანძარი, დიდი ალბათობით, მოკლე ჩართვამ გამოიწვია. რუმინეთში პანდემიის დაწყებიდან დღემდე კორონავირუსის 350 000 შემთხვევაა გამოვლენილი, გარდაცვლილია 8 813 პაციენტი.