ევროვიზიის ეროვნული ფინალის კონკურსანტებისთვის გულშემატკივართა მიერ გამოგზავნილი ყოველი SMS-იდან შესული თანხა ჩაირიცხება დიმიტრი ცინცაძის სახელობის საქველმოქმედო ფონდში.

თბილისის საკონცერტო დარბაზის სცენაზე, მაყურებლის წინაშე 25 კონკურსანტი წარდგება. კონკურსანტების გამოსვლის შემდეგ, ხმის მიცემის პროცედურა მხოლოდ 15 წუთს გაგრძელდება.

ეროვნული ფინალი 20 იანვარს 20 საათზე პირველი საზოგადოებრივის პირდაპირ ეთერში გაიმართება.

საზოგადოებრივი მაუწყებლის ცნობით, ამ სახით მაუწყებელი ისევ საზოგადოებას უბრუნებს თანხას.

ფინალურ კონცერტზე ეროვნული კონკურსის გამარჯვებული გამოვლინდება, რომელიც საქართველოს წარადგენს 2017 წლის ევროვიზიის სიმღერის კონკურსზე, კიევში.