დაავადებათა კონტროლის ცენტრის დირექტორის, ამირან გამყრელიძის განცხადებით ქვეყანაში ამჟამად თავისუფალი 250-მდე საწოლია. ამასთან, გამყრელიძის თქმით, ქვეყანაში 4 500-მდე საწოლია დაკავებული.

"მინისტრმა ბრძანა, რომ გათავისუფლების ფაზაშია დაახლოებით კიდევ 600, შემდეგ 700 და, ზოგადად, კოვიდისთვის განსაზღვრულია, რომ მობილიზაცია გაკეთდეს დაახლოებით 8 000-მდე საწოლის ქვეყენაში", — განაცხადა გამყრელიძემ.

დაავადებათა კონტროლის ცენტრის დირექტორის განცხადებით, ქვეყანაში არის 17 000 საწოლი, საიდანაც 12 000 საწოლის მობილიზაციაა შესაძლებელი. გამყრელიძე, ასევე, აღნიშნავს, რომ ამ რიცხვში შედის ის საწოლებიც, რომლებიც სხვა ტრამვებისთვის შეიძლება იყოს გამოყენებული, ხოლო კოვიდინფიცირებულთათვის პოტენციურად შეიძლება 8 000 საწოლის გამოყენება.

დღეის მდგომარეობით, თვითიზოლაციაში იმყოფება 37 675 პირი, საიდანაც თბილისში — 5 637 პირი, აჭარაში — 16 360, იმერეთში — 4 403. ამ ეტაპზე აქტიური ინფიცირებული შემთხვევა არის 15 113. 4 780 ადამიანი მკურნალობს საავადმყოფოში, საკარანტინე სივრცეში კი 2 982 ადამიანი იმყოფება.