წინასწარი მონაცემებით, აშშ-ის საპრეზიდენტო არჩევნების გამარჯვებული დემოკრატი ჯო ბაიდენი გახდა და გარდა მისი თანამოაზრეებისა და მოკავშირე პოლიტიკური ფიგურებისა, ეს ამბავი კულტურის სფეროში მოღვაწე ცნობილ ადამიანებსაც მეტად გაუხარდათ. მართალია ბაიდენის ტრიუმფის აღსანიშნავად ჯენიფერ ლოურენსივით ყველა პიჟამებით არ გაჭრილა ქუჩაში, თუმცა სიხარული იმისა, რომ აშშ-ის დატოვება არ მოუწევთ, ყველამ სხვადასხვანაირად გამოხატა.

1. ელენ დეჯენერესი

"დღეს უდიდესი ისტორია დაიწერა. გილოცავთ, პრეზიდენტო და მადამ ვიცე-პრეზიდენტო!", — წერს ტელეწამყვანი.

2. სელენა გომესი

3. ჯონ ლეჯენდი

"მადლობას ვუხდი ფილადელფიას, რომ ასე ეპიკურად წარმოგვიჩინა დემოკრატია", — აცხადებს მომღერალი ფილადელფიისადმი მადლიერების ნიშნად, რომელმაც გადამწყვეტი როლი ითამაშა არჩევნების შედეგების განსაზღვრაში.

4. ლედი გაგა

"ჯო ბაიდენ, კამალა ჰარის და ამერიკელო ხალხო, თქვენ მსოფლიოს კაცობრიობის ისტორიაში ერთ-ერთი ყველაზე კეთილშობილი და გამბედავი ქმედება აჩვენეთ", — წერს ამერიკელი მომღერალი, რომელიც დემოკრატ კანდიდატს კამპანიის მიმდინარეობისას მუდმივად უჭერდა მხარს.

5. ლიზო

"არის მომენტები, როცა იმედიანად ვარ განწყობილი. ამჯერად, იმედიანი და ამავდროულად, შეშინებული ვიყავი. მგონი, ტრამპი თანამდებობიდან წავიდა. მგონი, ეს იმ ოთხი წლის დასასრულია, რომელიც ათასწლეულს ჰგავდა. ამ პერიოდში ადამიანებმა საკუთარი სიცოცხლე დაკარგეს, დაკარგეს შემოსავალი. ცხადია, ერთ პრეზიდენტს ვერ დაადანაშაულებ ყველაფერში, თუმცა სიტუაცია ცუდად მართული იყო.

"და ძალიან აღტაცებული ვარ, რომ შავკანიანი ქალი თეთრ სახლში იქნება. ადგილობრივი ამერიკელი ქალი თეთრ სახლში იქნება.

"ეს დასასრული არაა. ეს პროგრესის მხოლოდ და მხოლოდ დასაწყისია. ახლა პასუხისმგებელი პირები ისინი არიან, ვინც ხალხს უსმენს და ვინც, იმედია, რეალურ ცვლილებებს მოგვიტანს. ყველა ზეიმობს და იმედია, თქვენც აღნიშნავთ. შესანიშნავი დღეა. ღმერთმა დაგლოცოთ, ყველანი მიყვარხართ", — ამბობს აცრემლებული მომღერალი ინსტაგრამზე გამოქვეყნებულ ვიდეოში.

6. არიანა გრანდე

"ვტირი. მადლობა ღმერთს", — წერს გრანდე ტვიტერზე.

7. მაილი საირუსი

"აი, ეს არის წვეულება აშშ-ში", — წერს საირუსი, რომელიც ტრამპის გამარჯვების შემთხვევაში ჯერ კიდევ 2016 წელს აპირებდა ქვეყნის დატოვებას.

8. ფინეასი

"შვებით ამოსუნთქვა, რომელიც გესმით, მხოლოდ ამ ქვეყნის ლიბერალურად მოაზროვნე ადამიანებს კი არ ეკუთვნით, არამედ დანარჩენ მსოფლიოსაც", — აცხადებს ამერიკელი მომღერალი და სიმღერების ავტორი.

9. შერი

"აშშ კვლავ მსოფლიოს ნაწილია", — ასე გამოეხმაურა ტრამპის გამარჯვებას ლეგენდარული მომღერალი.

10. ლებრონ ჯეიმსი

NBA-ის ვარსკვლავმა ტვიტერის საკუთარ ანგარიშზე კომიკური ფოტო გამოაქვეყნა, რომელზეც ბაიდენი ტრამპს ჯაბნის და ბურთს კალათში აგდებს.

11. ლანა დელ რეი

"გილოცავთ, ჯო და კამალა!"

12. ბარბარა სტრეიზანდი

"ვულოცავ ჯო ბაიდენს, კამალა ჰარისსა და ჩვენს საყვარელ ქვეყანას. პატიოსნებამ და ერთიანობამ გაიმარჯვა", — წერს მომღერალი.

13. ბიონსე

14. ჯენიფერ ლოპეზი

"პრეზიდენტად ჯო ბაიდენი!!! ვიცე-პრეზიდენტად კამალა ჰარისი!!!"

15. მიშელ ობამა

"საოცრად აღელვებული ვარ, რომ ჩემი მეგობარი, ჯო ბაიდენი, და ჩვენი პირველი შავკანიანი და ადგილობრივი ამერიკელი ქალი ვიცე-პრეზიდენტი, კამალა ჰარისი, თეთრ სახლში ღირსებას, კომპეტენტურობასა და გულიანობას აღადგენენ", — წერს აშშ-ის ყოფილი პირველი ლედი.