ხვალიდან თბილისში ბაღები სრულად დაიხურება. ამის შესახებ, თბილისის მერმა კახა კალაძემ მუნიციპალიტეტის მთავრობის სხდომაზე განაცხადა.

"ხვალიდან საბავშვო ბაღები თბილისში სრულად დაიხურება. ეს იქნება დროებით, ვიდრე ეპიდემიოლოგიური სიტუაცია არ გამოსწორდება. ჩვენ ვუფრთხილდებით მომავალ თაობას და ჩვენი შვილების ჯანმრთელობას. მინდა ილია ელოშვილს დავავალო, რომ უზრუნველყოთ კვების საკითხი, როგორც ამას აქამდე ვაკეთებდით ამ პანდემიის პერიოდში. მშობლებს ექნებათ საშუალება ის საკვები, რაც ბაღში ჰქონდათ, წაიღონ სახლში და მოუმზადონ ბავშვებს", — განაცხადა კალაძემ.

საბავშვო ბაღებში სწავლა 12 ოქტომბერს აღდგა, თუმცა კორონავირუსით ინფიცირებულების მატებიდან გამომდინარე თბილისის 40 ბაღში სასწავლო პროცესი შეწყდა.