დაავადებათა კონტროლის ცენტრის დირექტორის, ამირან გამყრელიძის განცხადებით, ქვეყანაში კორონავირუსით ინფიცირებულთა მაჩვენებლის მიხედვით 3 ცხელი წერტილი — აჭარა, თბილისი და იმერეთი რჩება.

"3 ცხელი წერტილი რჩება — აჭარა,განსაკუთრებით ბათუმი, თბილისი და იმერეთი, განსაკუთრებით ქუთაისი. ჯერ დამშიდების არავითრი საფუძველი არ გვაქვს მიუხედავად იმისა, რომ, როგორც გითხარით, ოდნავ სტაბილიზაციის ნიშნები არის. ამიტომ, ყველა ის წესი და ყველა ის რეკომენდაცია დაცული უნდა იყოს", — განაცხადა გამყრელიძემ.

30 ოქტომბერს საქართველოში კორონავირუსისგან 2 906 პაციენტი გამოჯანმრთელდა, გარდაიცვალა — 12. ქვეყანაში ჯამში 37 263 შემთხვევაა დაფიქსირებული, მათ შორის, 19 810 გამოჯანმრთელდა, ხოლო 285 გარდაიცვალა.

მთავრობის ადმინისტრაციის უფროსის, ნათია მეზრვიშვილის განცხადებით, დღეს საქართველოში დადასტურებული კორონავირუსის 1 696 ახალი შემთხვევიდან თბილისში გამოვლინდა 683, აჭარაში — 381, იმერეთში — 313.