საქართველოს პრემიერმინისტრის თქმით, შეიძლება, რომ მათ პირბადის ღია სივრცეში ტარების გადაწყვეტილებაც მიიღონ. თუმცა მისი განცხადებით, ამას სერიოზული საკანონმდებლო ცვლილებები სჭირდება და ერთ-ორ დღეში იგი ვერ გაკეთდება.

"სრული პასუხისმგებლობით ვაცხადებ, რომ შეკრების ან გამოხატვის თავისუფლებას ეპიდემიოლოგიურ ჭრილში არაფერი არ ემუქრება, მაგრამ შეიძლება, მაგალითად, ჩვენ მივიღოთ გადაწყვეტილება, რომ სავალდებულო გავხადოთ პირბადის ტარება, როგორც დახურულ შენობაში, ასევე გარეთაც. დღეს მოგეხსენაბთ, სავალდებულოა მხოლოდ დახურულში, ხოლო გარეთ მკაცრი რეკომენდაციაა გაცემული. ამიტომ ყველას შეეძლება, მოაწყოს რამდენიც უნდა მიტინგი, ოღონდ კანონის სრული დაცვით და შეიძლება პირბადით. ოღონდ ამას, სერიოზული საკანონმდებლო ცვლილებები სჭირდება, ეს ერთ და ორ დღეში ვერ გაკეთდება, ამიტომ არავის გამოხატვის თავისუფლებას არაფერი არ ემუქრება", — განაცხადა გახარიამ.

23 ოქტომბერს საქართველოს სამ ქალაქში — თბილისში, ბათუმსა და ქუთაისში პირბადის გარე სივრცეში პირბადის ტარების მკაცრი რეკომენდაცია გაიცა.