საერთაშორისო გამჭვირვალობა — საქართველოს განცხადებით, მნიშვნელოვანია მთავრობამ კოვიდკრიზისის დაძლევასთან დაკავშირებით მაქსიმალურად გამჭვირვალე გადაწყვეტილებები მიიღოს და მოსახლეობას კონკრეტული ინფორმაცია მიაწოდოს თუ რა გადაწყვეტილების მიღებას აპირებს სიტუაციის განვითარების სხვადასხვა სცენარის პირობებში.

ორგანიზაციის განცხადებით, აუცილებელია კრიზისების საბჭოს ფორმატის გაფართოება, რომლის საქმიანობაშიც არჩევნებთან დაკავშირებული ყველა სექტორის ჩართვა იქნება შესაძლებელი, მათ შორის, პოლიტიკური პარტიების, არასამთავრობო სექტორისა და სახალხო დამცველის.

TI-ს თქმით, ასევე, მნიშვნელოვანია კოვიდინფექციის სხვადასხვა ტემპით გავრცელების გათვალისწინებით მართვის გეგმის შემუშავება.

მათივე თქმით, აუცილებელია კოვიდინფიცირებულთა იმ კრიტიკული რაოდენობისა და ეპიდემიის გავრცელების იმ ტემპის განსაზღვრა, რომელიც ქვეყანაში საგანგებო მდგომარეობის გამოცხადებას, არჩევნების გადადებასა და შეზღუდვების დაწესების აუცილებლობას განაპირობებს.

ხელმომწერი ორგანიზაციები:

  1. საერთაშორისო გამჭვირვალობა-საქართველო (TIG)
  2. საქართველოს დემოკრატიული ინიციატივა (GDI)
  3. სამართლიანი არჩევნებისა და დემოკრატიის საერთაშორისო საზოგადოება (ISFED)
  4. ღია საზოგადოების ფონდი (OSGF)
  5. საფარი
  6. საზოგადოება და ბანკები
  7. მედიის განვითარების ფონდი (MDF)
  8. ადამიანის უფლებათა ცენტრი (HRIDC)
  9. კვლევითი ჟურნალისტიკისა და ეკონომიკური ანალიზის ცენტრი
  10. ინფორმაციის თავისუფლების განვითარების ინსტიტუტი (IDFI)
  11. საქართველოს გაეროს ასოციაცია
  12. ადამიანის უფლებების სწავლებისა და მონიტორინგის ცენტრი (EMC)