5-დღიანი ძებნის შემდეგ სოფელ სქურის მიმდებარე ტერიტორიაზე 61 წლის კაცის ცხედარი იპოვეს. ინფორმაციას საგანგებო სიტუაციების მართვის სამსახური ავრცელებს.

უწყების განმარტებით, 6 ოქტომბერს მიიღეს შეტყობინება, რომ სოფელი ჯგალიდან სქურის მიმართულებით გავიდა 61 წლის კაცი, რომელიც სახლში არ დაბრუნებულა. მათი თქმით, დაკარგულის პირადი ნივთები სქურის მთაში, მიტოვებულ ქოხში იპოვეს.

უწყებაში აცხადებენ, რომ სამაშველო-საძიებო ოპერაციაში ჩართული იყო 15-კაციანი ჯგუფი, სასაზღვრო პოლიციის ვერტმფრენი, დრონი.