საქართველოს პრემიერმინისტრის, გიორგი გახარიას თქმით, აზერბაიჯანთან საზღვრის საკითხზე დაწყებულ გამოძიებასთან დაკავშირებით ნებისმიერი სახის პოლიტიზება და პოლიტიკური სპეკულაციები იქნება ქვეყნის დამაზიანებელი.

"პროკურატურაში მიმდინარე გამოძიებათან დაკავშირებით არ წყდება პოლიტიზების მცდელობა, რაც არის აბსოლუტურად მიუღებელი. ყველას უნდა გვახსოვდეს, რომ გამოძიება უნდა დასრულდეს და მხოლოდ ამის შემდეგ უნდა გავაკეთოთ ჩვენ საბოლოო დასკვნები. საკითხი იმდენად მნიშვნელოვანია, რომ ნებისმიერი სახის პოლიტიზება და პოლიტიკური სპეკულაციები ამ საკითხთან დაკავშირებით უბრალოდ დამაზიანებელია ქვეყნისთვის, ამიტომ არის მიუღებელი და დამაზიანებელი. ჩვენ მიგვაჩნია, რომ აზერბაიჯანი არის საქართველოს სტრატეგიული პარტნიორი და ეს ასე გაგრძელდება ნებისმიერ შემთხვევაში. ვერც გამოძიების დაწყების ფაქტი, რაც სრულად საქართველოს საშინაო საქმეა და ვერც გამოძიების შედეგად ახლად გამოვლენილი გარემოებები ვერ დააზიანებს ორ ქვეყანას შორის სტრატეგიულ პარტნიორობას" — განაცხადა გახარიამ.

7 ოქტომბერს პროკურატურამ ინფორმაცია გაავრცელა, რომ აზერბაიჯანთან საზღვრის შეთანხმების საქმეზე სახელმწიფო კომისიის ყოფილი წევრები, ივერი მელაშვილი და ნატალია ილიჩოვა დააკავეს, რის გამოც პროკურატურასთან ოპოზიციის წევრებმა აქცია გამართეს.

გაიგეთ მეტი: