დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ერთიანი ნაციონალური მოძრაობიდან ბათუმის საკრებულო წევრს, ექიმ ლევან ანთაძეს კორონავირუსი დაუდასტურდა. როგორც On.ge-ს ფრაქციის თავმჯდომარემ, მირდატ ქამადაძემ განუცხადა, კონტაქტებს შორის არიან პარტიის წევრები და ნაწილმა ტესტი უკვე ჩაიტარა.

"ყველას გვქონდა დისტანციური კონტაქტი, ის იყო ყოველთვის პირბადით, იცავდა დისტანციას. თავისი ინიციატივით რამდენიმე ადამიანმა ჩაიტარა ტესტი, მათ შორის ბატონმა ლევან ვარშალომიძემ. დაბალი სიცხე აქვს, 37,5-მდე, სხვა კუთხით თავს კარგად გრძნობს და გვამშვიდებს, რომ პანიკის საფუძველი არ არის", — ამბობს ქამადაძე.

დღეს საქართველოში კორონავირუსის 471 ახალი შემთხვევა გამოვლინდა, 278 ადამიანი გამოჯანმრთელდა, კიდევ ორი ადამიანი კი გარდაიცვალა.

სულ ქვეყანაში კორონავირუსის 7 564 შემთხვევაა დადასტურებული. აქედან 3 992 ადამიანი უკვე გამოჯანმრთელდა, 48 კი გარდაიცვალა.

ამ დროისთვის კარანტინის რეჟიმში 5 392 ადამიანი იმყოფება, სტაციონარში მეთვალყურეობის ქვეშ კი — 836. კოვიდ სასტუმროში 1 100 პირი მკურნალობს.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: