სულ მცირე 35 ადამიანის სიცოცხლე ემსხვერპლა თვითმკვლელი ტერორისტის მიერ მანქანის აფეთქებას ბაღდადის გადატვირთულ მოედანზე. ინფორმაციას BBC ავრცელებს.

აფეთქება იმ დროს მოხდა, როდესაც სამსახურში მიმავალი მოქალაქეები გაჩერებაზე იმყოფებოდნენ. დაღუპულთა შორის 9 ქალია, რომლებიც მიკროავტობუსში ისხდნენ.

აფეთქებისას დაშავდა 62 ადამიანი.

ერთ-ერთმა ადგილზე მყოფმა დაზარალებულმა AP-ს განუცხადა, რომ ტერორისტი შეკრებილ მუშებთან მივიდა და დამსაქმებლად გაეცნო:

"მუშები მისი მანქანის გარშემო მოგროვდნენ და ამის შემდეგ დიდი აფეთქება მოხდა, ადამიანები ჰაერში აფრინდნენ".

მოგვიანებით ერაყის დედაქალაქში კიდევ მეორე აფეთქება მოხდა საავადმყოფოს მახლობლად, რასაც 3 ადამიანი ემსხვერპლა. ორივე თავდასხმაზე პასუხისმგებლობა ე.წ. ისლამურმა სახელმწიფოს ჯიჰადისტებმა აიღეს.

ბაღდადში 2 აფეთქება მოხდა ასევე შაბათს, 31 დეკემბერს, რომელსაც 28 ადამიანის სიცოცხლე ემსხვერპლა. ISIS-მა განაცხადა, რომ ის იდგა ორივე აფეთქების უკან.