NASA Space Apps მსოფლიოში ყველაზე ფართომასშტაბიანი ჰაკათონია, რომელიც 200 სხვადასხვა ადგილას 48 საათზე დიდხანს მიმდინარეობს და აერთიანებს კოდერებს, მკვლევარებს, დიზაინერებს, მშენებლებს, ტექნოლოგებსა და შემოქმედებით ადამიანებს სხვადასხვა გამოწვევასთან გასამკლავებლად.

COVID-19-ის პანდემიის ფონზე, საზოგადოების ჯანმრთელობისა და უსაფრთხოების ინტერესებიდან გამომდინარე, NASA-მ Space Apps-ის გლობალურ ორგანიზაციულ გუნდთან ერთად მიიღო გადაწყვეტილება, რომ NASA Space Apps Challenge 2020 ონლაინ რეჟიმში იმართება 2-4 ოქტომბერს.

NASA Space Apps Challenge Tbilisi-ს ორგანიზებულია Tbilisi Startup Bureau-ს და ილიას სახელმწიფო უნივერსიტეტი-ს პარტნიორობით და მხარდაჭერილია საქართველოს ინოვაციებისა და ტექნოლოგიების სააგენტოს მიერ.

NASA Space Apps Challenge Tbilisi-ში მონაწილეობის სურვილი 200-ზე მეტმა მონაწილემ გამოთქვა, ჟიურიმ საბოლოოდ 70 აპლიკანტი შეარჩია.

NASA Space Apps Challenge Tbilisi სტარტს დღეს, 2 ოქტომბერს, 20:00 საათზე იღებს. ჰაკათონი ორგანიზატორების მისასალმებელი სიტყვით გაიხსნება, რასაც ერეკლე მაღრაძის ლექცია მოყვება თემაზე: „როგორ შეიძლება სწრაფად დანერგოთ მანქანური სწავლების მოდელი ნებისმიერ გარემოში“.

NASA Space Apps Challenge Tbilisi სამი დღის განმავლობაში გაგრძელდება, დღის პირველი ნახევარი დაეთმობა ლექციებს, ხოლო მეორე ნახევარში მონაწილეები განავითარებენ თავიანთ პროექტებს ჰაკათონის მენტორების მეთვალყურეობის ქვეშ.

NASA Space Apps Challenge Tbilisi-ის მთავარი პარტნიორია ბილაინი. ჰაკათონის პარტნიორია Edison Store ელექტრონული კომპონენტები, რომელიც ჰაკათონის 2 გამარჯვებულ გუნდს საჩუქრად გადასცემს Arduino-ს სრულ კომოპლექტაციას.

ჰაკათონის პარტნიორები არიან DataFest Tbilisi, Zoomout • ზუმაუთი და Fablab Iliauni • ფაბლაბ ილიაუნი. პროექტის მედია პარტნიორია Marketer.ge

წელს ჰაკათონს აქვს 25 გამოწვევა 6 კატეგორიის მიმართულებით:

  • დაკვირვება
  • ინფორმირება
  • შენარჩუნება
  • შექმნა
  • დაპირისპირება
  • დაკავშირება