ძალადობის მსხვერპლი ბრალდებულის სკამზე — ქალი, რომელმაც სასამართლო ორჯერ მოიგო
ნანა გოგალაძეს, რომელიც ქმრის ძალადობისგან თავს იცავდა და მოგერიების მიზნით დანით დაჭრა, პროკურატურამ სხეულის განზრახ მძიმე დაზიანების მუხლით ბრალი წარუდგინა. ეს მოხდა იმის მიუხედავად, რომ შემთხვევამდე რამდენიმე საათით ადრე, ქალმა ძალადობის გამო პოლიციაც გამოიძახა.
ნანამ სასამართლოში უკვე ორჯერ დაამტკიცა, რომ მისი ქმედება აუცილებელი მოგერიების ფარგლებში იყო ჩადენილი — ის 23 სექტემბერს სააპელაციო სასამართლომაც გაამართლა. გარდა იმისა, რომ ეს გადაწყვეტილება მნიშვნელოვანი იყო ნანას, როგორც ძალადობის მსხვერპლის უფლებების დასაცავად, ის არის პრეცედენტულიც.
41 წლის ქალი On.ge-ს უყვება, რომ ქმარმა დაქორწინებიდან მალევე, 3-4 თვეში დაიწყო ძალადობა და ეჭვიანობის მოტივით, Facebook-იდან ყველა კაცი წაუშალა, მათ შორის ბავშვობის მეგობრები, კლასელები.
"დაშორებას რომ ვცდილობდი, მუხლებში მივარდებოდა და მეუბნებოდა, გამოვსწორდებიო. ამის მერე იწყებოდა ყველაფერი თავიდან, ოღონდ ახალი ძალით, ახალი შეტევებით და უფრო აგრესიულად...", — ამბობს ნანა.
შემთხვევა, რომლის გამოც ნანა ბრალდებული აღმოჩნდა, 2019 წლის 31 დეკემბერს, ახალი წლის ღამეს მოხდა. ნანა გვიყვება, რომ მისი შვილების მამამ დაურეკა, რაზეც არაფხიზელ მდგომარეობაში მყოფი ქმარი გაღიზიანდა და ცოლის დახრჩობა სცადა.
"ბავშვს ვთხოვე, მეზობლისთვის დაეძახა, ამ დროს ქმარმა მისკენ გაიწია და ხელი რომ გამიშვა, ცოტა ამოვისუნთქე. ბავშვმა მოასწრო გასვლა გარეთ და მეზობელს დაუძახა, ის შემოვარდა და როგორც იქნა, ამაგლიჯეს... უმცროსმა შვილმა მითხრა მერე, როცა დაგინახე, გაწითლებული იყავი და ხრიალებდი, ისე შემეშინდა, საბანი გადავიფარე და გავითიშეო. ბავშვმა გონება დაკარგა შიშისგან", — ჰყვება ნანა.
ამის შემდეგ ნანამ 112-ში დარეკა, რამაც ქმრის გაღიზიანება გამოიწვია. მეზობელი დასაძინებლად გავიდა, შვილებმაც დაიძინეს და ის ქმართან მარტო დარჩა. ნანას თქმით, გაღიზიანებული მოძალადის შეკავება რომ ვერ შეძლო, მოუქნია პირველივე ნივთი, რაც ხელში მოხვდა. ეს ნივთი სამზარეულოს დანა აღმოჩნდა.
"მესამედ რომ წამოიწია, თვალები უკვე ჩასისხლიანებული, ჩაწითლებული ჰქონდა. შეშლილი, არანორმალური ადამიანის თვალები ჰქონდა. მივხვდი, რომ მორჩა, ალბათ, მომკლავს. სამზარეულოს გაშლილი მაგიდიდან რაც პირველად მომხვდა ხელში, დავარტყი, როგორმე რომ შემეჩერებინა. დედა ქურდებმა მომიკლეს. სახლი გაძარცვეს და დედა გაგუდეს. როცა მივხვდი, რომ შეიძლება მეც იგივე გადამხდენოდა და ჩემს შვილებსაც... საშინელება იყო. მართლა არ ვიცოდი, დანა იყო თუ რაიმე სხვა, მხოლოდ ის ვიცოდი, რომ ეს ადამიანი მესამედ არ უნდა მომკარებოდა", — გვიყვება ნანა.
ამის შემდეგ ქალმა ისევ დარეკა 112-ში, თუმცა ამჯერად დაჭრილი მოძალადისთვის სასწრაფო დახმარების გამოსაძახებლად. თუმცა ქმარი საავადმყოფოში საკუთარი ფეხით წავიდა, ნანას მიერ გამოძახებული პოლიცია კი ამ ყველაფრის შემდეგ, 40-45 წუთის დაგვიანებით მივიდა.
მომხდარის გამო ნანას ჯანმრთელობის განზრახ მძიმე დაზიანების მუხლით ბრალი წაუყენეს.
ნანას სამართლებრივი დახმარება ქალთა უფლებადამცველმა ორგანიზაციამ, საფარმა გაუწია. ადვოკატი ელისო რუხაძე საქმეში ბრალის წაყენების პროცესში ჩაერთო.
"საქმეში იყო ბევრი პროცესუალური დარღვევა. მსხვერპლს ენობრივი ბარიერის გამო შემთხვევის ღამეს პოლიციასთან კომუნიკაცია გაუჭირდა. ის დაარწმუნეს, რომ არანაირი პრობლემები არ იქნებოდა და რასაც ეუბნებოდნენ, ყველაფერზე მოაწერა ხელი. ჩემთან ნანა გოგალაძე იმ დღეს მოვიდა, როდესაც ბრალს უყენებდნენ სისხლის სამართლის კოდექსის 117-ე მუხლით, რაც ითვალისწინებს ჯანმრთელობის განზრახ მძიმე დაზიანებას და ისჯება თავისუფლების აღკვეთით 3-დან 6 წლამდე. პროკურორი ითხოვდა, რომ მას გადაეხადა 5 000-ლარიანი გირაო, რაც ნანა გოგალაძისთვის წარმოუდგენელი თანხა და პატიმრობის ტოლფასი იყო. ფაქტობრივად, მთელი გამოძიება აგებული იყო განზრახ დანაშაულის ჩადენის ირგვლივ მტკიცებულებების მოძიებაზე", — გვიყვება ელისო.
ადვოკატმა პროკურატურისგან მოითხოვა, რომ ნანა გოგალაძე მასზე განხორციელებულ ძალადობაში დაზარალებულად ეცნოთ. ელისო რუხაძემ, ასევე, შემთხვევის ღამეს მომხდარი გამოკვეთა, როგორც მსხვერპლის მიერ აუცილებელი მოგერიების ფარგლებში ჩადენილი ქმედება.
რუხაძე On.ge-სთან ამბობს, რომ აუცილებელი მოგერიების ფარგლებში გამამართლებელი განაჩენი საქართველოში ძალიან ცოტაა და შეიძლება ითქვას, რომ ეს ერთ-ერთი ყველაზე პრეცედენტული საქმეა.
"ფაქტობრივად, ნანა გოგალაძეს ჰქონდა ყველა წინაპირობა, რომ ეს საქმე აუცილებელი მოგერიების ფარგლებში ჩამჯდარიყო, თუმცა გამოძიებამ არც კი იკითხა, რამ აიძულა ქალი, დაეჭრა მისი ქმარი. მსხვერპლმა მეორე ფიზიკური შეხების შემდეგ დარეკა 112-ში, სახელმწიფო ჰყავდა ინფორმირებული, რომ მასზე ძალადობდნენ, ითხოვა დახმარება და 45 წუთის მანძილზე პოლიცია არ მოვიდა", — გვიყვება ელისო რუხაძე.
ახლა ნანას ქმარს ოჯახში ძალადობის ბრალი აქვს წაყენებული, ნანასთან და მის შვილებთან შემაკავებელი ორდერის გამო კომუნიკაცია არ აქვს. ქალი გვიყვება, რომ მომხდარის შემდეგ მათ ფსიქოლოგთან ვიზიტები დასჭირდათ.
საქართველოს შინაგან საქმეთა სამინისტროს სტატისტიკით, 2020 წლის პირველ ნახევარში ოჯახში ძალადობის მსხვერპლი 4 014 ქალი გახდა, მხოლოდ გასულ თვეში კი — 767. მნიშვნელოვანია ვიცოდეთ, რომ კანონით შესაძლებელია, მოძალადე განარიდონ მსხვერპლის საცხოვრებელი ადგილიდან იმ შემთხვევაშიც, როდესაც საცხოვრებლის მესაკუთრე მოძალადეა. ასევე, შესაძლებელია მსხვერპლისა და მისი არასრულწლოვანი შვილის სახელმწიფო თავშესაფარში გადაყვანა.
ოჯახში ძალადობა არ გულისხმობს მხოლოდ ფიზიკურ შეხებას. ოჯახის წევრის მხრიდან ფსიქოლოგიური ზეწოლა, მუქარა, შანტაჟი, სიტყვიერი შეურაცხყოფა, ასევე, ოჯახური ძალადობაა და კანონით აკრძალულია.
ოჯახში ძალადობის შემთხვევაში პოლიციის გამოძახება შესაძლებელია 112-ზე დარეკვით. ზარი უფასოა. საკონსულტაციო მომსახურების გაწევის მიზნით ფუნქციონირებს ცხელი ხაზი:
116 006. შესაძლებელია 112-ის აპლიკაციის გადმოწერაც, სადაც ღილაკზე SOS დაჭერით პოლიციასთან შეტყობინება შევა და სამართალდამცველები ლოკაციის მიხედვით გიპოვიან. აღსანიშნავია ისიც, რომ არსებობს არაერთი არასამთავრობო ორგანიზაცია, რომლებიც ოჯახში ძალადობის მსხვერპლებს სხვადასხვა ტიპის დახმარებას უფასოდ სთავაზობენ.
-
გადახედვასტუდენტი, რომელიც კობახიძის ლექციაზე საქართველოსა და ევროკავშირის დროშით მივიდა, ლექციაზე არ შეუშვეს სტუდენტი, რომელიც კობახიძის ლექციაზე საქართველოსა და ევროკავშირის დროშით მივიდა, ლექციაზე არ შეუშვეს
-
გადახედვადაუშვებელია, მივიღოთ კანონი, რომლის უკან გაწვევისკენ მოგვიწოდებენ ცივილიზებული სამყაროს წევრი ქვეყნები — GPBA დაუშვებელია, მივიღოთ კანონი, რომლის უკან გაწვევისკენ მოგვიწოდებენ ცივილიზებული სამყაროს წევრი ქვეყნები — GPBA
-
გადახედვადღეს, 20 აპრილს, 5 საათზე, გაიმართება ქალების მარში — ქალები ვირჩევთ ევროპას დღეს, 20 აპრილს, 5 საათზე, გაიმართება ქალების მარში — ქალები ვირჩევთ ევროპას
-
გადახედვავდებთ პირობას, კოალიციური მთავრობის ჩამოყალიბების შემდეგ, მოქალაქეებს არ ექნებათ შეხება ნიღბიან სპეცრაზმელებთან — ოპოზიციური პარტიების განცხადება ვდებთ პირობას, კოალიციური მთავრობის ჩამოყალიბების შემდეგ, მოქალაქეებს არ ექნებათ შეხება ნიღბიან სპეცრაზმელებთან — ოპოზიციური პარტიების განცხადება
-
გადახედვაროგორი ამინდი იქნება ამ შაბათ-კვირას როგორი ამინდი იქნება ამ შაბათ-კვირას
-
გადახედვაკინოცენტრმა დაფინანსება შეგვიწყვიტა — თბილისის საერთაშორისო კინოფესტივალი კინოცენტრმა დაფინანსება შეგვიწყვიტა — თბილისის საერთაშორისო კინოფესტივალი
-
გადახედვაGPBA: კონსოლიდაცია რუსეთის დამპყრობლურ პოლიტიკასთან ბრძოლის აუცილებელი პირობაა GPBA: კონსოლიდაცია რუსეთის დამპყრობლურ პოლიტიკასთან ბრძოლის აუცილებელი პირობაა
-
გადახედვაკვლევის თანახმად, მელიები ადამიანების "საუკეთესო მეგობრები" იყვნენ კვლევის თანახმად, მელიები ადამიანების "საუკეთესო მეგობრები" იყვნენ
-
გადახედვალავროვი ოცნების რუსულ კანონზე ამბობს, რომ "ძალიან რბილია" ლავროვი ოცნების რუსულ კანონზე ამბობს, რომ "ძალიან რბილია"
-
გადახედვადეა მელაძე: არა რუსულ კანონს! გელით რუსთაველზე დეა მელაძე: არა რუსულ კანონს! გელით რუსთაველზე
-
გადახედვავახტანგ გომელაური: აქციის მონაწილეები სიტყვიერ შეურაცხყოფას აყენებდნენ პოლიციას, ამის შემდეგ მოხდა დაპირისპირება ვახტანგ გომელაური: აქციის მონაწილეები სიტყვიერ შეურაცხყოფას აყენებდნენ პოლიციას, ამის შემდეგ მოხდა დაპირისპირება
-
გადახედვახაბეიშვილი: ელისაშვილის ცემა იყო მიზანმიმართული, საზოგადოებას უთხრეს — თუ პარლამენტარს ასე ვექცევით, თქვენ უარესად მოგექცევით ხაბეიშვილი: ელისაშვილის ცემა იყო მიზანმიმართული, საზოგადოებას უთხრეს — თუ პარლამენტარს ასე ვექცევით, თქვენ უარესად მოგექცევით
-
გადახედვარა ეწერა რუსთავი 2-ის საინფორმაციოს უფროსის Whatsapp სტატუსში, რომელიც დღეს გამოქვეყნდა და მალევე წაიშალა რა ეწერა რუსთავი 2-ის საინფორმაციოს უფროსის Whatsapp სტატუსში, რომელიც დღეს გამოქვეყნდა და მალევე წაიშალა
-
გადახედვაოცნების დეპუტატის, გია ცაგარეიშვილის შვილი: მედვედევს რაც მოსწონს, დუგინს რაც მოსწონს — ჩვენ ავტომატურად არ მოგვწონს, 2x2 ოცნების დეპუტატის, გია ცაგარეიშვილის შვილი: მედვედევს რაც მოსწონს, დუგინს რაც მოსწონს — ჩვენ ავტომატურად არ მოგვწონს, 2x2
-
გადახედვაახალგაზრდების ორგანიზებით, პარლამენტთან საპროტესტო აქცია დღეს 19 საათზე იგეგმება ახალგაზრდების ორგანიზებით, პარლამენტთან საპროტესტო აქცია დღეს 19 საათზე იგეგმება
-
გადახედვატაბიძეზე მომხდარი დაჭრის ფაქტზე ერთ პირს ბრალი წარუდგინეს ტაბიძეზე მომხდარი დაჭრის ფაქტზე ერთ პირს ბრალი წარუდგინეს
-
გადახედვარატომ გაუჩინარდნენ ევროპის მონადირე-შემგროვებლები რატომ გაუჩინარდნენ ევროპის მონადირე-შემგროვებლები
-
გადახედვასაფრანგეთმა აზერბაიჯანიდან კონსულტაციებისთვის ელჩი გაიწვია საფრანგეთმა აზერბაიჯანიდან კონსულტაციებისთვის ელჩი გაიწვია
-
გადახედვაოცნება ოფშორებთან დაკავშირებულ კანონს ივანიშვილს არგებს, იზრდება კრიმინალური და რუსული კაპიტალის შემოდინების რისკიც — TI ოცნება ოფშორებთან დაკავშირებულ კანონს ივანიშვილს არგებს, იზრდება კრიმინალური და რუსული კაპიტალის შემოდინების რისკიც — TI
-
გადახედვასადგური, რომელსაც ჩინეთის მთავრობა აშენებს, ინტერნეტმა ჰიგიენურ საფენს მიამსგავსა სადგური, რომელსაც ჩინეთის მთავრობა აშენებს, ინტერნეტმა ჰიგიენურ საფენს მიამსგავსა
-
გადახედვაპარლამენტში გომელაურის მოსმენისას ხმაური იყო — პაპუაშვილმა სალომე სამადაშვილს დარბაზი დაატოვებინა პარლამენტში გომელაურის მოსმენისას ხმაური იყო — პაპუაშვილმა სალომე სამადაშვილს დარბაზი დაატოვებინა
კომენტარები