ნიგერიის არმიამ სემბიზას ტყიდან ადგილზე გამაგრებული ტერორისტულმა დაჯგუფება ბოკო ჰარამის მებრძოლები გააძევა. ინფორმაციას ბიბისი ავრცელებს.

"ტერორისტები ბანაკებიდან გარბიან და მათ დასამალი აღარსად აქვთ. მათი ბოლო ბანაკი პარასკევს დაეცა" - განაცხადა ქვეყნის პრეზიდენტმა მუჰამადუ ბუჰარიმ.

ქვეყნის სამთავრობო არმია უკვე რამდენიმე კვირაა იმ ტყეს უტევდა, სადაც ექსტრემისტები იყვნენ გამაგრებულნი. არსებობდა ინფორმაცია იმის თაობაზეც, რომ მათ ტყეში ჰყავდათ 2014 წელს გატაცებული სკოლის მოსწვალე გოგოები, რადგან, რამდენიმე გოგომ, რომლებმაც ტყვეობას თავი გაქცევით დააღწიეს, თქვეს, რომ ისინი სემბიზას ტყეში ჰყავდათ.

ბოკო ჰარამის ტერორისტული დაჯგუფება 7 წელია არსებობს. მათ 15 000-ზე მეტი ადამიანი მოკლეს, ხოლო რეგიონში ამბოხების შემდეგ, მოსახლეობის 2 მილიონზე მეტ ნაწილს საცხოვრებელი სახლების დატოვება მოუწიათ.