საქართველოში კორონავირუსით მე-19 პაციენტი გარდაიცვალა. ინფორმაცია მთავრობის მიერ შექმნილ ვებგვერდზე stopcov-ზე განახლდა.

ინფექციური საავადმყოფოს სამედიცინო დირექტორის, მარინა ეზუგბაიას თქმით, პაციენტი სახლში მკურნალობდა და დაავადება, თითქმის უსიმპტომოდ მიმდინარეობდა.

"პაციენტი ჭარბწონიანი იყო, მკურნალობდა ბინაზე, მას უვლიდა მისი და რომელიც ასევე კოვიდინფიცირებულია. მათი მეთვალყურეობა ხდებოდა ჩვენს მიერ, უშუალოდ მე მქონდა კომუნიკაცია პაციენტის დასთან. დაავადება თითქმის უსიმპტომოდ მიმდინარეობდა ორივეს შემთხვევაში, მაგრამ ერთის შემთხვევაში განვითარდა ცხიმოვანი ემბოლია, როგორც ახასიათებს ასეთ [მენჯ-ბარძაყის] მოტეხილობებს და პაციენტი გარდაიცვალა ამ მიზეზის გამო. მე-19 პაციენტის წყარო არის ლენჯერი. კარანტინში გადავიდნენ გარდაცვლილ მე-19 პაციენტთან კონტაქტში მყოფი პირებიც, ოჯახის ინფიცირებული წევრები კი მკურნალობენ კოვიდცენტრებში. ჯამში ოჯახის სამი წევრია ინფიცირებული", — განაცხადა ეზუგბაიამ.

25 აგვისტოს მონაცემებით, საქართველოში კორონავირუსის 8 ახალი შემთხვევა გამოვლინდა, გამოჯანმრთელებულების რაოდენობა კი 13-ით გაიზარდა. ინფორმაცია ამის შესახებ Stopcov.ge-ზე განახლდა.