მთავრობის მიერ შექმნილი ვებგვერდი stopcov-ის ინფორმაციით, საქართველოში კორონავირუსით მე-18 პაციენტი გარდაიცვალა.

გავრცელებული ინფორმაციით, კორონავირუსით გარდაცვლილი 87 წლის ქალი, აპარატზე შეერთებული იყო.

24 აგვისტოს მონაცემებით, საქართველოში კორონავირუსის 10 ახალი შემთხვევა გამოვლინდა, გამოჯანმრთელებულების რაოდენობა კი 5-ით გაიზარდა. ინფორმაცია ამის შესახებ Stopcov.ge-ზე განახლდა.

ჯამში, საქართველოში კორონავირუსის დადასტურებულ შემთხვევათა რაოდენობა 1 421-მდე გაიზარდა, გამოჯანმრთელებულია 1 137 ადამიანი, გარდაცვლილი კი — 17.

კარანტინის რეჟიმში რჩება 7 005 პირი, სტაციონარში მეთვალყურეობის ქვეშ კი 255 პაციენტია.