მესტიის მუნიციპალიტეტის მერიის ინფორმაციით, სვანეთში საკარანტინე ვადის პირველი 12 დღე, 21 აგვისტოს გადის, შესაბამისად, შესაძლოა, 21 აგვისტოდან ყველა ადმინისტრაციული ერთეული გაიხსნას, გარდა მესტიისა და ლენჯერისა.

"მნიშვნელოვანია, რომ ახალი კორონა ვირუსის ყველა დადასტურებული შემთხვევა გამოვლინდა მხოლოდ ლენჯერის და მესტიის თემებში. მესტიასა და ლენჯერს შორის არსებული შეზღუდვები მოიხსნება და ფორმირდება, როგორც ერთიანი ჩაკეტილი სივრცე, რომლის შიგნითაც გადაადგილება არ იქნება შეზღუდული", — ნათქვამია განცხადებაში

კორონავირუსის ახალი დადასტურებული შემთხვევების გამო, მესტიაში შესვლა და გამოსვლა უკვე, რამდენიმე დღეა შეზღუდულია. ამასთან, დაბა მესტიაში, უშგულსა და ლენჯერში ფუნქციონირების უფლება აქვთ მხოლოდ აფთიაქებს, საბანკო დაწესებულებებს, სასურსათო მაღაზიებსა და ღია ტიპის საკვებ დაწესებულებებს.

ჯანდაცვის მინისტრის, ეკატერინე ტიკარაძის განცხადებით, მესტია კარანტინის რეჟიმში 28 დღის განმავლობაში რჩებოდა.