ახალი ზელანდიის პრემიერმინისტრმა, ჯაკინდა არდერნმა ქვეყნის საყოველთაო აჩევნები Covid-19-ის ახალი შემთხვევების გამოვლენის გამო ერთი თვით გადადო. არჩევნები 19 სექტემბერს უნდა გამართულიყო, თუმცა 17 ოქტომბრამდე გადაიდო.

პრემიერმინისტრის თქმით, ახალი თარიღით, ყველა პარტიას საშუალება ექნება, დაგეგმონ საარჩევნო კამპანია გარემოებების გათვალისწინებით.

არჩევნების გადადებას ოპოზიციურმა ნაციონალური პარტიაც ეთანხმება. მათ მიაჩნიათ, რომ კორნავირუსის გამო არსებული შეზღუდვებით კამპანიის ჩატარება არდერნს უსამართლო უპირატესობას ანიჭებდა.

კვირის დასაწყისში ახალი ზელანდიის ყველაზე დიდი ქალაქი ჩაიკეტა. შეზღუდვები ოკლენდზე მას შემდეგ დაწესდა, რაც ქალაქში ვირუსის არაერთი ახალი შემთხვევა გამოვლინდა. ორშაბათს ქვეყანაში კორონავირუსის ცხრა ახალი შემთხვევა დაფიქსირდა, რომლებიც ოკლენდის კლასტერს უკავშირდება.

ახალი შემთხვევების ქვეყნისთვის მოულოდნელი აღმოჩნდა, რადგან შიდა გადაცემა სამ თვეზე მეტი ხნის განმავლობაში არ დაფიქსირებულა.

ჯონ ჰოპკინსის უნივერსიტეტის მონაცემების თანახმად, ვირუსის გააქტიურების პერიოდიდან, ქვეყანაში სულ 1600 შემთხვევა დაფიქსირდა, 22 ადამიანი კი გარდაიცვალა.