BBC-ის ცნობით, სამხრეთ-აღმოსავლეთ ნიგერიაში, ქალაქ უიოში ეკლესიის ჩამონგრევის შედეგად, სულ მცირე 60 ადამიანი დაიღუპა. ნაგებობის სახურავი მაშინ ჩამოინგრა, როდესაც შიგნით ათეულობით მლოცველი იმყოფებოდა.

მრევლს შორის აკვა-იბომის შტატის გუბერნატორი, უდომ ემანუელიც იმყოფებოდა, თუმცა იგი შემთხვევას გადაურჩა.

BBC-ის ინფორმაციით, ეკლესიის მშენებლობა ცოტა ხნის წინ დასრულდა, მშენებლები ჩქარობდნენ, რათა ეკლესია ცერემონიის ჩატარების თარიღისთვის მოესწროთ.

გამოცემის ცნობით, სამშენებლო რეგულაციების დარღვევის გამო, ნიგერიაში შენობების ნგრევა გავრცელებულია.