ამერიკული სატელევიზიო ინდუსტრიის გვერდით ბოლო პერიოდში მაყურებლები სულ უფრო მეტ ყურადღებას აქცევენ ევროპულ სერიალებსაც და მათ შორის ბრიტანული პროდუქცია დიდი პოპულარობით სარგებლობს.

Utopia ბოლო წლების ერთ-ერთი ყველაზე გახმაურებული ბრიტანული სერიალია, რომლის ამერიკული ვერსიაც Amazon Prime Video-მ გადაიღო და სულ მალე ამ რიმეიქს ვიხილავთ.

როგორც ბრიტანული, ისე ამერიკული ვერსია კომიქსის სერიის ფანების ირგვლივ ვითარდება, რომელთაც სჯერათ, რომ კომიქსი უტოპია (სერიალისთვის გამოგონილი დასახელება) წინასწარმეტყველურ ინფორმაციას შეიცავს და მასში მომავლის პროგნოზების ამოცნობაცაა შესაძლებელი.

ახალი სერიალის პირველი ტრეილერი ცოტა ხნის წინ გავრცელდა:

აღსანიშნავია, რომ ამ სერიალზე მუშაობა თავდაპირველად Fight Club-ისა და Se7en-ის რეჟისორს, დევიდ ფინჩერს 2014 წელს HBO-სთვის უნდა დაეწყო, თუმცა ბიუჯეტზე შეუთანხმებლობის გამო მოლაპარაკებები ჩაიშალა.

საბოლოოდ, პროექტი ამაზონმა განახორციელა თავისი სტრიმინგ სერვისისთვის Prime Video და მას სათავეში ცნობილი მწერალი გილიან ფლინი ჩაუდგა: ავტორი ისეთი ბესტსელერი რომანებისა, როგორებიცაა Gone Girl და Sharp Objects. ამ ორივე გახმაურებული წიგნის მიხედვით არანაკლებ ცნობილი ეკრანიზაციებია გადაღებული, რომელთა სცენარზე თავად გილიან ფლინმა იმუშავა. ეს კი მისი პირველი დამოუკიდებელი პროექტია, რომელსაც თავისი ნაწარმოებებისგან დამოუკიდებლად განახორციელებს.

უტოპიაში მონაწილეობენ The Office-ის მსახიობი რეინ უილსონი და American Honey-ის ვარსკვლავი საშა ლეინი.

ახალი სერიალის პრემიერის ზუსტი თარიღი უცნობია, თუმცა როგორც ახლახანს გამოქვეყნებული ტრეილერით დაანონსდა, მაყურებლების მის შეფასებას ამ წლის შემოდგომაზე შეძლებენ.