შრომის ინსპექციის დეპარტამენტის უფროსის, ბექა ფერაძის თქმით, ერთი დაწესებულება ქორწილის გამართვის გამო 10 ათასი ლარით დააჯარიმეს. მისი თქმით, ამ დროისთვის სულ 31 კვების ობიექტია დაჯარიმებული.

როგორც ფერაძე აღნიშნავს, შემოწმებები რისკის შეფასების საფუძველზე ხორციელდება.

"იქ სადაც არის ადამიანების თავშეყრის მაღალი ოდენობა, სწორედ ეს არის სამიზნე ამ ეტაპზე, თუმცა მინდა ვთქვა, რომ ინსპექტირებას დაექვემდებარება ნებისმიერ ობიექტი, რომელიც ეტაპობრივად ოპერირებს. ამ შემთხვევაში, ჩვენ კვების ობიექტები შევამოწმეთ და 31 არის დაჯარიმებული, ორი კომპანია დაჯარიმდა არანებადართული ეკონომიკური საქმიანობისთვის და ერთი კომპანია დაჯარიმდა სოციალური ღონისძიებების გამო, ქორწილი მიმდინარეობდა, რომელიც როგორც იცით, არ არის ნებადართული საქმიანობა და შესაბამისი სანქცირება იყო ჩვენი მხრიდან", — განაცხადა ფერაძემ რუსთავი 2-თან.