პრემიერმინისტრ გიორგი გახარიას განცხადებით, მთავრობა რთველის სუბსიდირებაში ჩაერთვება. როგორც გახარიამ მთავრობის სხდომაზე განაცხადა, სუბსიდირება შეეხება ისეთ ჯიშებს, როგორიცაა რქაწითელი და კახური მწვანე, რომლის ფასიც 80 თეთრზე ნაკლები არ იქნება.

"თუ საჭირო იქნება, სახელმწიფოც ჩაერთვება შესყიდვებში, თუ ასეთი უკიდურესობა საჭიროება იქნება. თუმცა მევენახეებმა უნდა იცოდნენ, რომ ქართულ ყურძენზე — რქაწითელზე და კახურ მწვანეზე — იქნება 80 თეთრი. ეს მინიმალური შესაძლებობაა კრიზის პირობებში, რაც შეგვიძლია დახმარების სახით გავუწიოთ ქართველ მევენახეებს", — განაცხადა გახარიამ.

მისივე თქმით, სუბსიდირებისთვის ბიუჯეტი უკვე გამოყოფილია.