ახალი ზელანდიის პრემიერმინისტრმა ჯონ ქეიმ ყველასთვის მოულოდნელად თანამდებობის დატოვების გადაწყვეტილება მიიღო. ის ამ პოსტს 2008 წლიდან იკავებდა.

ქეი, რომელიც ეროვნული პარტიის ლიდერი 2006 წლიდან იყო, აცხადებს, რომ ამ პოზიციაზე ყოფნისთვის 10 წელი დიდი დროა:

"მმართველის თანამდებობაზე 10 წელი დიდი პერიოდია, ლიდერები მეტისმეტად ხანგრძლივი დროით რჩებიან მეთაურის პოსტზე".

CNN-ის ინფორმაციით, ქეი პრემიერმინისტრად მესამედ აირჩიეს. მან დღეს განაცხადა, რომ ყველაფერი გაიღო თავისი სამსახურისთვის:

"ამ ყველაფრისთვის მე მსხვერპლი გავიღე, ეს იყო დრო ჩემთვის ყველაზე ძვირფასი ადამიანებისთვის, ჩემი ოჯახისთვის".

ქეის თქმით, მისი უფროსი შვილები წლების განმავლობაში გარკვეულ შეზღუდვას განიცდიდნენ მამის სამსახურის გამო.

ჯონ ქეი და მისი ცოლი 1984 წელს დაქორწინდნენ და 2 შვილი ჰყავთ. ერთი მოდელი და დიჯეია, ხოლო მეორე - ხელოვნების ფაკულტეტის სტუდენტი.