17 ივნისს ხელი მოეწერა ურთიერთთანამშრომლობის მემორანდუმს სსიპ საქართველოს მედიატორთა ასოციაციასა და ილიას სახელმწიფო უნივერსიტეტს შორის. ილიას სახელმწიფო უნივერსიტეტს წარმოადგენდა სამართლის სკოლის დეკანი ირაკლი ფორჩხიძე, ხოლო საქართველოს მედიატორთა ასოციაციის მხრიდან მემორანდუმს ხელი მოაწერა ასოციაციის თავმჯდომარემ, ირაკლი ყანდაშვილმა.

მემორანდუმის მიზანია მხარეთა საერთო ინტერესების სფეროში შემავალ აქტუალურ საკითხებზე თანამშრომლობა, მედიაციის ინსტიტუტის განვითარებისა და პოპულარიზაციის მიზნით ერთობლივი ღონისძიებების, პროექტებისა და ინიციატივების განხორციელება.