უკრაინაში ე.წ. ქურდული სამყაროს წევრობა სისხლის სამართლის დანაშაული გახდა. BBC-ის რუსული სამსახურის ინფორმაციით, პოსტსაბჭოთა ქვეყნებს შორის მსგავსი ნორმები მხოლოდ საქართველოსა და რუსეთშია მიღებული.

კანონის თანახმად, რომელიც უკრაინის უმაღლესმა რადამ 5 ივნისს მიიღო, კრიმინალური დაჯგუფების ჩამოყალიბება და ლიდერობა 12-დან 15 წლამდე თავისუფლების აღკვეთითა და ქონების ჩამორთმევით დაისჯება. ე.წ. კანონიერ ქურდებს მიეკუთვნებიან ისინი, ვინც კრიმინალურ გავლენას ახდენს და სხვების კრიმინალურ საქმიანობას კოორდინირებს.

კანონი კრიმინალური ავტორიტეტების დანაშაულებრივ გავლენებს განსაზღვრავს, რაც ასევე დასჯადი იქნება. ამასთან, თავისუფლების აღკვეთას ითვალისწინებს ე.წ. ქურდული გარჩევის მოწყობა და მასში მონაწილეობა.