Netflix-მა ახალი ფენტეზის ჟანრის ექშენ-სერიალი გამოუშვა, რომელმაც Rotten Tomatoes-ზე უმაღლესი — 100%-იანი შეფასება დაიმსახურა.

ახლახან გამოსული 8-ეპიზოდიანი სერიალი The East Palace ჯოსონის ეპოქის კორეაში ვითარდება. სიუჟეტი მოგვითხრობს მებრძოლზე, რომელსაც ცოცხალთა და მკვდართა სამყაროებს შორის გადაადგილება შეუძლია, და სამეფო კარის ქალზე, რომელიც საიდუმლოს ინახავს. მეფის დავალებით, ისინი აღმოსავლეთის სასახლის ამოცანების ამოხსნას ცდილობენ, თუმცა მალევე აღმოჩნდებიან სამყაროში, სადაც ძალაუფლება, მალული ისტორია და სულები ერთმანეთთან სახიფათო წყევლით არიან გადაჯაჭვულნი.

ნახეთ ტრეილერი:

სცენარის ავტორები კვონ სო-რა და სო ჯე-ვონი არიან, ხოლო რეჟისორი — ჩოი ჯუნ-კიუ. მთავარ როლებს ნამ ჯუ-ჰიუკი და რო იუნ-სო ასრულებენ.

სერიალს საკმაოდ დადებითი გამოხმაურება მოჰყვა. კრიტიკოსები პროექტს ჟანრობრივად მრავალფეროვან, დახვეწილ ისტორიულ თრილერს უწოდებენ. გამოცემა Digital Mafia Talkies-ის შეფასებით, The East Palace ერთი ამოსუნთქვით სანახავი სერიალია: "საოცრად სანახაობრივია, გამოირჩევა მონსტრების საინტერესო დიზაინით. ბოლო წუთამდე დაძაბულობაში ხარ, რადგან წარმოდგენაც კი არ გაქვს, სინამდვილეში რა ხდება".

The East Palace-ის რვავე ეპიზოდი ხელმისაწვდომია Netflix-ზე.