ქართული ოცნების დეპუტატის, მამუკა მდინარაძის თქმით, მაჟორიტარი კახა ოქრიაშვილის გარდა, მთლიანი გუნდი საარჩევნო სისტემის კანონპროექტს სამივე მოსმენაზე მხარს დაუჭერს. ამ თემაზე მდინარაძემ იმედის ეთერში ისაუბრა.

"ქართული ოცნების გუნდი, სამივე მოსმენის დროს მხარს დაუჭერს, ყველა, ერთის გამოკლებით, კახა ოქრიაშვილთან გვაქვს პატარა ნიუანსი და ვერც ვერაფერს ვერ ვეტყვით, ეს ადამიანი ყველა ეტაპზე ამბობდა, ერთი დღეც არ უთქვამს, რომ მხარს დავუჭერო", — თქვა მამუკა მდინარაძემ.

მდინარაძემ აღნიშნა, რომ ამ სიტყვებზე შეუძლიათ პასუხი ნებისმიერ ეთერში მოსთხოვონ. მისი თქმით, ქართული ოცნების მიზანია, რომ კანონპროექტი გავიდეს და მათ არ იციან რას იზამენ დამოუკიდებელი დეპუტატები და პატრიოტთა ალიანსი. ნაციონალური მოძრაობა და ევროპული საქართველო კი აცხადებს, რომ თუ 8 მარტის შეთანხმება ბოლომდე არ შესრულდება, ისინი საკონსტიტუციო ცვლილებებს მხარს არ დაუჭერენ,