პარლამენტის იურიდიულ საკითხთა კომიტეტის თავმჯდომარის, ანრი ოხანაშვილის განცხადებით, დაუშვებელია და "ცინიკურია", ვინმე [გიორგი] რურუასა და საკონსტიტუციო ცვლილებებს შორის დასვა ტოლობის ნიშანი. ამით დეპუტატი ოპოზიციის ულტიმატუმს ეხმაურება, გიორგი რურუას გათავისუფლებასა და ბოიკოტის არშეწყვეტაზე.

"არ შეიძლება საზოგადოებას ესაუბრო ერთი კონკრეტული პირის სახელით", — ამბობს ანრი ოხანაშვილი და ოპოზიციას მოუწოდებს, მიიღოს მონაწილეობა საარჩევნო რეფორმის ცვლილებაში. ოხანაშვილი იმეორებს, რომ სახელმწიფოს ვერც ერთი დამოუკიდებელი შტოს ფუნქციონირებაში ჩვენ ვერ ჩაერევიან:

"იმედი მაქვს, ამ თამაშს თავს დაანებებს ოპოზიცია, გადმოვა საქმიან რეჟიმზე, ჩაერთვება საპარლამენტო ცხოვრებაში, გააცნობიერებს პასუხისმგებლობას, რომელიც აიღო ჩვენი პარტნიორების წინაშე და აქვს ვალდებულება, მხარი დაუჭეროს საკონსტიტუციო ცვლილებებს, რათა ყველამ ერთად შევძლოთ მშვიდობიანი, დემოკრატიული, მაღალი სტანდარტით გამართული არჩევნების ჩატარება".