გიორგი ბარათაშვილი საზოგადოებრივი მაუწყებლის გენერალური დირექტორი თანამდებობიდან გადადგა. მან განცხადება მაუწყებლის კანცელარიაში დღეს შეიტანა.

"ბორდს გადადგომის შესახებ განცხადებით უკვე მივმართე, რა არის მიზეზი, არის ის სიახლე, რომელსაც ცოტა ხანში ვიტყვი რა სიახლეა, შესაბამისად დღეიდან უკვე ვითვლები გადამდგარად, ვფიქრობ, რომ საზოგადოებრივ მაუწყებელს ახალი სისხლი სჭირდება, რომ ყველაფერი გაგრძელდეს უკეთესად" - განუცხადა მან პირველ არხს.

ბარათაშვილს თანამდებობაზე მოვალეობის შესასრულებლად 2 წელი ჰქონდა დარჩენილი. მისი თქმით, მისი დირექტორობის 4 წლის განმავლობაში ტელევიზია პოლიტიკური გავლენებისგან თავისუფალი იყო.

მაუწყებლის ბორდი ახალი გენერალური დირექტორის ასარჩევად პროცედურებს იწყებს.