უმრავლესობის წევრი, ირაკლი კობახიძე ამბობს, რომ საკონსტიტუციო ცვლილელების განხილვის დაწყებამდე, "პოლიტპატიმრების ძებნას" დაიწყებენ. ამის შესახებ კობახიძემ ოპოზიციის მიერ პოლიტპატიმრების გათავისულფლების მოთხოვნაზე პასუხად განაცხადა.

მისივე თქმით, ოპოზიციასა და მმართველ გუნდს შორი შეთანხმების ტექსტში წერია, რომ საყოველთაო განხილვებისას პოლიტიკური გავლენა გამორიცხული უნდა იყოს და ამის საშუალებას მმართველი გუნდიც "მოკლებულია".

"ვიდრე გაგრძელდება განხილვები, ჯერ საყოველთაო განხილვის ფორმატში და შემდეგ საპარლამენტო განხილვის ფორმატში, მანამდე დავიწყებთ პოლიტპატიმრების ძებნას და თუ ვიპოვით, მაშინ რეაგირება გვექნება ამ მოთხოვნებზე", — განაცხადა ირაკლი კობახიძემ.

დღეს, 17 მარტს პარლამენტმა საკონსტიტუციო ცვლილებების განხილვისთვის საყოველთაო სახალხო კომისიის შექმნას მხარი დაუჭირა. კომისიის შემადგენლობა პარლამენტის პლენარულ სხდომაზე 114 ხმით დაამტკიცეს. კენჭისყრაში მონაწილეობისთვის, ოპოზიციის წევრებმა ბოიკოტი ერთი დღით დაარღვიეს, თუმცა კენჭის ყრის შემდეგ სხდომათა დარბაზი დატოვეს.

8 მარტს ოპოზიცია და მმართველი გუნდი საპარლამენტო არჩევნების 120/30-ზე სისტემით ჩატარებაზე შეთანხმდნენ. რაც იმას გულისხმობს, რომ 2020 წლის არჩევნებში პროპორციული სიით 120 დეპუტატი აირჩევა, მაჟორიტარულით კი — 30.

გაიგეთ მეტი: